এপ্ৰিল ফুলছ ডে’ প্ৰতি বছৰে ১ এপ্ৰিলত পালন কৰা হয় । এই দিনটো মানুহে তেওঁলোকৰ প্ৰিয়জন বা বন্ধুবৰ্গক আচৰিত কৰিবলৈ নতুবা ভয় খুৱাবলৈ বিভিন্ন হাস্যকৰ কথা অতি চিৰিয়াছ ৰূপত উপস্থাপন কৰে আৰু তাৰ পিচত শেষত প্ৰকাশ কৰে যে এই সকলোবোৰ মুখ্যতঃ ভুৱা ৷ বিশেষ দিনটো বিশেষভাৱে হাঁহি-ফূৰ্তিৰ মাজেৰে পাৰ কৰাৰ একে ধেমেলীয়া প্ৰয়াস মাথো । এপ্ৰিল ফুলছ ডে’ বিভিন্ন সংস্কৃতিয়ে শতিকাজুৰি উদযাপন কৰি আহিছে ৷
এপ্ৰিল ফুলছ ডে’ ১ এপ্ৰিলত কিয় উদযাপন কৰা হয় ? এপ্ৰিল ফুলছ দিৱসৰ উৎপত্তি সম্পৰ্কে বিভিন্ন কাহিনী আৰু তত্ত্ব আছে, কিন্তু সচৰাচৰ শুনিবলৈ পোৱা কাহিনী অনুসৰি, এই দিনটোৰ উৎপত্তি ষোড়শ শতিকাৰ শেষৰ ফালে হৈছিল বুলি গম পোৱা যায় ।
সেই সময়ত ১ জানুৱাৰীক বছৰৰ আৰম্ভণি হিচাপে লৈ পোপ ত্ৰয়োদশ গ্ৰেগৰীয়ে গ্ৰেগৰিয়ান কেলেণ্ডাৰ ৰূপায়ণৰ প্ৰস্তাৱ আগবঢ়াইছিল, যিয়ে মাৰ্চ মাহৰ শেষৰ ফালে নতুন বছৰ উদযাপন কৰা পৰম্পৰাৰ ঠাই লয় ।
কিন্তু কিছুমান লোক এই পৰিৱৰ্তনৰ বিষয়ে অজ্ঞাত আছিল আৰু তেওঁলোকে ১ এপ্ৰিলতে নৱবৰ্ষ পালন কৰি গৈছিল আৰু এনেদৰে আনসকলে তেওঁলোকক উপহাস কৰিছিল । যিসকলে ১ এপ্ৰিলত নৱবৰ্ষ উদযাপন কৰিছিল তেওঁলোকক 'মূৰ্খ' বুলি লেবেল দিয়া হৈছিল । এনেদৰেই এপ্ৰিলৰ প্ৰথম দিনটোত এপ্ৰিল ফুলছ দিৱস উদযাপনৰ পৰম্পৰাটো প্ৰচলিত হৈ পৰে ।
গোটেই পৃথিৱীজুৰি মানুহে এপ্ৰিল ফুলছ ডে’ কেনেকৈ উদযাপন কৰে ? যদিও ইয়াক বিশ্বব্যাপী সকলো দেশতে উদযাপন কৰা হয়, ই কিন্তু অফিচিয়েল বন্ধ নহয় । তদুপৰি, ফ্ৰান্সত, April Fools' Dayত শিশুসকলে তেওঁলোকৰ পিঠিত কাগজৰ মাছ সংলগ্ন কৰি তেওঁলোকৰ বন্ধুবৰ্গৰ সৈতে ধেমালি কৰাৰ প্ৰথা আছে ।
স্কটলেণ্ডত এই উৎসৱ দুদিনলৈকে চলে, দ্বিতীয় দিনটো টেইলি ডে (Taily Day) নামেৰে জনাজাত আৰু পশ্চাদ অংশৰ সৈতে জড়িত এই ধেমালি । এই প্ৰথাৰ ফলতে "kick me" বাক্যসাৰ জন্ম হোৱা বুলি বিশ্বাস কৰা হয় ।
1986 চনৰ পৰা, আমেৰিকা যুক্তৰাষ্ট্ৰৰ নিউয়ৰ্কে প্ৰতি বছৰে অস্তিত্বহীন এপ্ৰিল ফুলছ ডে’ পেৰেডৰ বাবে মিছা প্ৰেছ বিজ্ঞপ্তি মুকলি কৰি আহিছে । কানাডা আৰু ইংলেণ্ডত, এপ্ৰিল ফুলছ ডে’ত দুপৰীয়াৰ পিচত আৰু ধেমালি কৰিব নোৱাৰাৰ প্ৰথা আছে ।
ভাৰতত এপ্ৰিল ফুলছ ডে’ উদযাপন কেতিয়া আৰম্ভ হৈছিল ? সংবাদ মাধ্যমৰ প্ৰতিবেদন অনুসৰি, ব্ৰিটিছে উনবিংশ শতিকাত ভাৰতত এপ্ৰিল ফুল উদযাপন আৰম্ভ কৰিছিল । তাৰ পাচত মানুহে আজিও এই দিনটোত আনন্দ কৰে ।
অষ্ট্ৰেলিয়া, নিউজিলেণ্ড, ইংলেণ্ড আৰু আফ্ৰিকাৰ দৰে দেশত এপ্ৰিল ফুল ডে’ মাজনিশা ১২ বজালৈকেহে পালন কৰা হয় । কিন্তু কানাডা, আমেৰিকা, ৰাছিয়া আৰু ইউৰোপৰ অন্যান্য দেশত ১ এপ্ৰিলৰ গোটেই দিনটো এপ্ৰিল ফুলছ ডে’ পালন কৰা হয় ।
বাতৰি কাকত, টেলিভিছন, ৰেডিঅ' আৰু ছ'চিয়েল মিডিয়াই এপ্ৰিল ফুলছ দিৱসত বিভিন্ন ধেমালিৰ মাজেৰে আনন্দ উপভোগ কৰিছে -
১৯৯২ চনত টাইমছ অৱ লণ্ডনে প্ৰকাশ কৰা অনুসৰি বেলজিয়ামে হলেণ্ডত যোগদানৰ বাবে আলোচনা কৰি আছে । ইছলিংটনৰ ইভিনিং ষ্টাৰে ১৮৬৪ চনত পিছদিনা কৃষি হলত গাধৰ প্ৰদৰ্শনৰ বিজ্ঞাপন দিছিল । সোনকালে আহি পোৱা সকলে অতি সোনকালেই উপলব্ধি কৰিলে যে প্ৰদৰ্শিত গাধবোৰ আচলতে কোন ?
১৯৫০ চনত পেনচিলভেনিয়াৰ ক্লিয়াৰফিল্ডত থকা দ্য প্ৰগ্ৰেছে চহৰখনৰ ওপৰেৰে উৰি থকা এটা ইউএফঅ'ৰ ছবি প্ৰকাশ কৰে আৰু দাবী কৰে flying saucer ৰ এয়া প্ৰথম প্ৰকাশিত ছবি ৷
এপ্ৰিল ফুলছ ডে’- তাৎপৰ্য: এপ্ৰিল ফুলছ ডে’ সমগ্ৰ বিশ্বতে পালন কৰা হয় । যদিও এইটো এনেকুৱা এটা দিন য’ত মানুহে সীমাহীন ধেমালি কৰে, তথাপিও সেই ধেমালিৰ এটা সীমা অতিক্ৰম কৰা উচিত নহয়, কিয়নো ই কাৰোবাৰ অনুভূতিক আঘাত কৰিব পাৰে । এপ্ৰিল ফুলছ ডে’ হৈছে আপোনাৰ বন্ধুবৰ্গৰ সৈতে ধেমালি কৰাৰ সময় যি সকলোৰে মুখতে হাঁহি বিৰিঙাব পাৰে ।
এপ্ৰিল ফুলছ ডে’ৰ বিতৰ্ক :
এপ্ৰিল ফুলছ ডে’ৰ অনুৰাগীসকলে কয় যে ই ধেমালি আৰু হাঁহিৰ খোৰাক ৷ এটা অধ্যয়নত দেখা গৈছে যে ই চাপ হ্ৰাস কৰে আৰু সেয়েহে মানুহৰ হৃদয়ৰ বাবে ভাল হ'ব পাৰে । আনহাতে, কিছুমান লোকে দেখুৱাইছে যে বিভ্ৰান্তি, চিন্তা বা সময় আৰু সম্পদ অপচয়েৰে এই দিনটোৰ এটা নেতিবাচক দিশো আছে ৷
উদাহৰণস্বৰূপে, ডাবলিন চিৰিয়াখানাৰ এগৰাকী মুখপাত্ৰই কয় যে মিষ্টাৰ চি লায়ন্স, আন্না কণ্ডা আৰু জি ৰাফেৰ দৰে উদ্ভাৱনী নাম বিচাৰি এক লাখতকৈ অধিক ফোন পোৱাৰ পিচত কৰ্মচাৰীসকলে হাস্যৰসৰ ক্ষমতা হেৰুৱাই পেলাইছিল । ফোন কৰাসকল এটা ফোনৰ প্ৰৱঞ্চনাৰ বলি হৈছিল, যিয়ে তেওঁলোকক কল কৰিবলৈ উৎসাহিত কৰাৰ পিচত চিৰিয়াখানাৰ সৈতে যোগাযোগ কৰিছিল ।
'ভুৱা বাতৰি'ৰ যুগত এপ্ৰিল ফুলছ ডে’ত আপুনি আৰু অধিক সতৰ্ক হোৱা প্ৰয়োজন । পৰম্পৰাটো কেনেদৰে আৰম্ভ হৈছিল কোনেও সঠিকভাৱে নাজানে, কিন্তু এনে বহুতো লোক আছে যিয়ে এই দিনটো উপভোগ কৰে আৰু পৰম্পৰাটো জীয়াই ৰাখি সুখী হয় ।
লগতে পঢ়ক : এদিনত চাৰিটাকৈ কণী ! ভুলতো আশা নকৰিব পজিটিভ ৰিজাল্ট - How Much Egg Per Day Is Good
