আমি সকলোৱে এই কথাষাৰ নিশ্চয় শুনিছো - 'An apple a day, keeps the doctor away'৷ দৰাচলতে এই কথাষাৰ সত্য, কাৰণ আপেলত ভিটামিন চি, আঁহ আৰু পটাছিয়ামকে ধৰি বহুতো উৎকৃষ্ট পুষ্টিকৰ উপাদান থাকে ৷
যদি কোনো সুস্থ ব্যক্তিয়ে নিয়মিতভাৱে ইয়াক সেৱন কৰে তেন্তে তেওঁৰ স্বাস্থ্যৰ অৱনতি ঘটাৰ সম্ভাৱনা বহু পৰিমাণে কমি যায় ৷ কিন্তু সকলো বস্তুৰে ভাল আৰু বেয়া দুয়োটা দিশ থাকে৷ এনে পৰিস্থিতিত আপেল খোৱাৰ উপকাৰিতাৰ লগতে কিছুমান পাৰ্শ্বক্ৰিয়াও আছে ৷ হয় কিছুমান ক্ষেত্ৰত সঠিক সময়ত আপেল নাখালে আমাৰ শৰীৰৰ বাবে লোকচানদায়ক হ’ব পাৰে ৷ তেন্তে জানো আহক আমি কোন সময়ত আপেল খোৱাটো উচিত-
কিমান সময়ত আপেল খাব লাগে
আপেলত প্ৰাকৃতিক চেনি আৰু ফ্ৰুক্ট’জ পোৱা যায়, সেয়েহে পুৱা খালী পেটত খালে অধিক লাভদায়ক৷ ইয়াক খালে আপুনি গোটেই দিনটো সক্ৰিয় হৈ অনুভৱ কৰিব৷ লগতে ইয়াত আঁহ পোৱা যায় ৷ আপেল খোৱাৰ ফলত দীৰ্ঘসময়লৈকে ভোক অনুভৱ নহয়, যিয়ে ওজন কমোৱাত যথেষ্ট সহায় কৰে ৷
আপেলত থকা আঁহে হজম শক্তিও উন্নত কৰে, সেয়েহে পুৱা আপেল খালে কোষ্ঠকাঠিন্যৰ দৰে সমস্যাৰ পৰা হাত সাৰিব পাৰি ৷ ইয়াৰ উপৰিও ইয়াত ভিটামিন চি আৰু পটাছিয়াম থাকে, যিয়ে হৃদৰোগৰ পৰা সকাহ দিয়ে ৷
আপেল কেতিয়া খাব নালাগে ?
আপেল কেতিয়াও ৰাতি খাব নালাগে ৷ ইয়াত চেনি আৰু ফ্ৰুক্ট’জ পোৱা যায়, যাৰ বাবে আমি সক্ৰিয় অনুভৱ কৰোঁ, কিন্তু ৰাতিৰ ভাগত ইয়াক খালে টোপনিৰ সৈতে জড়িত সমস্যাৰ সৃষ্টি হ’ব পাৰে ৷
খাদ্যৰ লগত খাব নালাগে
খাদ্যৰ লগতো আপেল খাব নালাগে ৷ দুয়োটাকে একেলগে হজম কৰাটো কঠিন হ’ব পাৰে ৷
সন্ধিয়া খাব নালাগে
আপেল আবেলিও খাব নালাগে ৷ ইয়াৰ ফলত গেছৰ সমস্যা হ’ব পাৰে ৷
