চিটাৰা ডেস্ক, 31 মাৰ্চ : পুনৰ সম্প্ৰচাৰ হ’ব জনপ্ৰিয় কপিল শৰ্মা শ্ব’ৰ নতুন সংস্কৰণ ৷ এইবাৰ নেটফ্লিক্সত সম্প্ৰচাৰ হ’ব দ্যা গ্ৰেট ইণ্ডিয়ান কপিল শ্ব' ৷ ইতিমধ্যে যোৱা 30 মাৰ্চত শ্ব’টোৰ প্ৰিমিয়াৰ সম্পন্ন হৈছে ৷
ইয়াৰ প্ৰথমটো খণ্ডত বলীউড অভিনেতা ৰণবীৰ কাপুৰ, তেওঁৰ মাতৃ তথা অভিনেত্ৰী নীতু কাপুৰৰ লগতে ৰিদ্ধিমা কাপুৰ সাহনী উপস্থিত থাকিব ৷ যদিও খণ্ডটো সম্প্ৰচাৰ হোৱাৰ পিচতে তেওঁলোকৰ হাস্যৰস আৰু কৌতুকৰ বাবে দৰ্শকৰ ব্যাপক সমালোচনাৰ সন্মুখীন হৈছিল ।
এগৰাকী দৰ্শকে X ত পোষ্ট কৰে যে, "কপিল শৰ্মাই অ'টিটিলৈ যোৱাৰ সিদ্ধান্ত লোৱাটো এটা ভয়ংকৰ ব্যৱসায়িক সিদ্ধান্ত ৷ কাৰণ তেওঁলোকে শ্ব’টো পূৰ্বৰ ধৰণেই অব্যাহত ৰাখিছে ৷ নেটফ্লিক্স কেতিয়াও কপিলৰ দৰ্শক নাই । টিভি চোৱা লোকসকলে কপিল শৰ্মাৰ শ্ব’ চায় । এইটো শ্ব’য়ে ছবিৰ প্ৰমোশ্যনৰ পৰা চেলিব্ৰেটীসকলক লাভান্বিত কৰিব নোৱাৰে !"
নেটফ্লিক্সত পুনৰ নিৰ্মাণ কৰা কপিল শৰ্মা অনুষ্ঠানক সমালোচনা কৰা টুইটবোৰে সামাজিক মাধ্যমৰ অন্য প্লেটফৰ্মতো ব্যাপক সমালোচনাৰ সন্মুখীন হৈছে । দৰ্শকে এই শ্ব’টোক আদৰি লোৱাৰ বিপৰীতে হতাশাহে ব্যক্ত কৰিছে ৷ উল্লেখ্য যে, কেৱল ছ'চিয়েল মিডিয়া ব্যৱহাৰকাৰীয়ে নহয়, ষ্ট্ৰীমিং প্লেটফৰ্মটোৱে নিজেই এই অনুষ্ঠানটোক 'অশালীন হাস্যৰস' বুলি বৰ্ণনা কৰিছে।
শ্ব’টোৰ বিষয়ে এইধৰণৰ সমালোচনাই শ্ব’টোক ব্যাপকৰূপে ক্ষতি কৰাৰ সম্ভাৱনা আছে ৷ যদিও কপিল শৰ্মাই দূৰদৰ্শনত প্ৰচুৰ সফলতা লাভ কৰিছে, ডিজিটেল ক্ষেত্ৰৰ বাবে কৌতুক আৰু কাহিনী কোৱাৰ সন্দৰ্ভত পুনৰাই চিন্তা কৰাটো চিন্তনীয় ৷ এতিয়া সময়তহে দেখা যাব এই শ্ব’টো পূৰ্বৰ দৰেই দৰ্শকে আদৰি ল’ব নে নলয় ?
লগতে পঢ়ক: কৰীণা কাপুৰে দেখুৱালে ৯০ দশকৰ যাদু, মুক্তি লাভ কৰিলে চোলি কে পিছে গীত
