চিটাৰা ডেস্ক, 12 মে’ : তাৰকাসকলে প্ৰায়ে সামাজিক মাধ্যমযোগে তেওঁলোকৰ প্ৰিয়জনৰ প্ৰতি মৰম আৰু কৃতজ্ঞতা প্ৰকাশ কৰে ৷ আজি মাতৃ দিৱসৰ দিনাও এয়া ব্যতিক্ৰম নহ’ল ৷ আজি দেশজুৰি পালন কৰা হৈছে মাতৃ দিৱস ৷ মাতৃ দিৱসৰ এই বিশেষ দিনটোত তাৰকাসকলেও তেওঁলোকৰ মাতৃৰ সৈতে সুন্দৰ মুহূৰ্তৰ ফটো শ্বেয়াৰ কৰা দেখা গৈছে ৷
বলীউডৰ অভিনেত্ৰী শিল্পা ছেট্টী আৰু ৰশ্মিকা মন্দন্নাই তেওঁলোকৰ মাতৃৰ সৈতে বিশেষ মুহূৰ্তৰ সৈতে বিশেষ বাৰ্তা শ্বেয়াৰ কৰা দেখা গৈছে ৷ বলীউডৰ অভিনেত্ৰী শিল্পা ছেট্টীয়ে সম্প্ৰতি জম্মু-কাশ্মীৰৰ বৈষ্ণো দেৱী মন্দিৰ ভ্ৰমণলৈ গৈছে । তেওঁৰ সৈতে মাতৃ সুনন্দা ছেট্টী আৰু ভগ্নী তথা অভিনেত্ৰী শমিতা ছেট্টীও গৈছে ।
শিল্পাই তেওঁৰ ইনষ্টাগ্ৰাম একাউণ্টত এখন বিশেষ আলোকচিত্ৰ আপলোড কৰি মাতৃক এই বিশেষ দিৱসৰ শুভেচ্ছা জনাই । ছবিখনত শিল্পা আৰু শমিতাক তেওঁলোকৰ মাতৃক মৰমেৰে চুম্বন কৰা দেখা গৈছিল ।
ছবিখন শ্বেয়াৰ কৰি শিল্পাই কেপশ্যন লিখে, "আজি, কাইলৈ আৰু প্ৰতিদিনে আপোনাক মাতৃ দিৱসৰ শুভেচ্ছা মা । আমি আপোনাক ভালপাও আৰু চিৰদিন আমি আপোনাৰ এই বিশেষ দিৱস উদযাপন কৰিম ৷" ফটোখনত তিনিওকে গুলপীয়া এথনিক ছেলৱাৰ ছ্যুটত দেখা গৈছে ৷ ছেট্টী পৰিয়ালটোৱে হেলিকপ্টাৰেৰে বৈষ্ণো দেৱীত অৱতৰণ কৰিছিল ।
একেদৰে, অভিনেত্ৰী ৰশ্মিকা মন্দান্নাই 11 মে'ত ইনষ্টাগ্ৰামত তেওঁৰ মাতৃৰ সৈতে এখন ছেল্ফী ষ্টৰীত লগাই মাতৃ দিৱসৰ শুভেচ্ছা জ্ঞাপন কৰে ৷ ফটোখনত মাতৃয়ে তেওঁক পিচফালৰ পৰা আলিংগন কৰি থকা দেখা গৈছিল ৷ ছবিখন ব্লেক এণ্ড হোৱাইট আছিল ৷ ছবিখনৰ সৈতে ৰশ্মিকাই লিখিছিল: "মাতৃ দিৱসৰ শুভেচ্ছা, মাম্মা" ৷
লগতে পঢ়ক: ৰশ্মিকা মন্দান্নাৰ ডিপফেক ভিডিঅ’: অভিনেত্ৰীগৰাকীৰ বক্তব্য ৰেকৰ্ড আৰক্ষীৰ - RASHMIKA MANDANNA
