চিটাৰা ডেস্ক, 28 ছেপ্টেম্বৰ : বলীউডৰ তাৰকা ৰণবীৰ কাপুৰে আজি 28 ছেপ্টেম্বৰত তেওঁৰ 42 সংখ্যক জন্মদিন উদযাপন কৰিছে । তেওঁ নিজৰ ঘৰতে জন্মদিন উদযাপন কৰে পৰিয়াল আৰু বন্ধুবৰ্গৰ সৈতে । জন্মদিন উদযাপনলৈ তেওঁ কেৱল ঘনিষ্ঠ বন্ধুসকলকহে মাতে । শুকুৰবাৰে গভীৰ নিশালৈকে ৰণবীৰৰ জন্মদিনৰ পাৰ্টী চলে । বহু চেলেব্ৰিটীক ৰণবীৰৰ ঘৰলৈ অহা দেখা যায় । জন্মদিন উদযাপনৰ বাবে ৰণবীৰ কাপুৰৰ মাতৃ নীতু কাপুৰো তেওঁৰ ঘৰত উপস্থিত হয় । তেওঁৰ উপৰিও মুকেশ আম্বানীৰ পুত্ৰ আকাশ আম্বানীয়েও ৰণবীৰ কাপুৰৰ জন্মদিন উদযাপনত অংশগ্ৰহণ কৰে ।
শুকুৰবাৰে নিশা ৰণবীৰ কাপুৰৰ জন্মদিনৰ পাৰ্টীত অংশগ্ৰহণ কৰে আদিত্য ৰয় কাপুৰ আৰু অৰ্জুন কাপুৰকে ধৰি বহু বি-টাউন চেলেব্ৰিটীয়ে । শুকুৰবাৰে নিশা তেওঁৰ ঘৰত নিৰ্বাচিত বন্ধুৰ সৈতে তাৰকাজনে জন্মদিন উদযাপন কৰে । অভিনেতাজনৰ ঘৰৰ বাহিৰত দেখা গ’ল ৰণবীৰৰ ঘনিষ্ঠ বন্ধু আকাশ আম্বানীক । ৰণবীৰৰ সৈতে য়ে জৱানী হে দীৱানী ছবিত কাম কৰা আদিত্য ৰয় কাপুৰক এই পাৰ্টীত তেওঁৰ নতুন দাড়ি লুকত দেখা গ’ল । অৰ্জুন কাপুৰকো ৰণবীৰৰ ঘৰত উপস্থিত হোৱা দেখা যায় ।
উদযাপনৰ আভাস দেখুৱালে নীতু কাপুৰ-ৰিদ্ধিমাই
ৰণবীৰ কাপুৰৰ ভগ্নী ৰিদ্ধিমা কাপুৰে জন্মদিন উদযাপনৰ এক আভাস তেওঁৰ ছ’চিয়েল মিডিয়াত শ্বেয়াৰ কৰে । তেওঁ শ্বেয়াৰ কৰিলে ৰণবীৰ কাপুৰে কেক কাটি থকা এখন ফটো । তেওঁৰ আৰু ৰণবীৰৰ শৈশৱৰ স্মৃতি জড়িত থকা ভিডিঅ’ এটা শ্বেয়াৰ কৰি তেওঁ লিখিছে, “হেপ্পী বাৰ্থডে মাই চোটু, লভ ইউ এ লট ৷” আনহাতে ৰণবীৰৰ মাতৃ নীতু কাপুৰেও জন্মদিনৰ শুভেচ্ছা জনাই ইনষ্টাগ্ৰাম ষ্ট’ৰীত এখন মৰমলগা ফটো শ্বেয়াৰ কৰি মনৰ পৰা আশীৰ্বাদ জনাইছে পুত্ৰক ৷
কৰ্মক্ষেত্ৰত, ৰণবীৰক এনিমেলত দেখা গৈছিল, যিখন ছবি সন্দীপ ৰেড্ডী ভাংগায়ে পৰিচালনা কৰিছিল । ছবিখনত ৰশ্মিকা মান্দান্না, ববি দেওল, অনিল কাপুৰ আৰু তৃপ্তি ডিমৰীয়েও অভিনয় কৰিছিল । তেওঁৰ আহিবলগীয়া চলচ্চিত্ৰসমূহৰ ভিতৰত আছে নীতেশ তিৱাৰীৰ ৰামায়ণ য’ত তেওঁক সাই পল্লৱীৰ বিপৰীতে দেখিবলৈ পোৱা যাব ।
লগতে পঢ়ক : এইখন মোৰ প্ৰথম পান ইণ্ডিয়া ছবি : ৰবি কিষাণ - Laapataa Ladies Ravi Kishan paan
