চিটাৰা ডেস্ক, 22 জুলাই: ৰাহত ফতেহ আলী খান, নতুনকৈ চিনাকী কৰি দিয়াৰ কোনো প্ৰয়োজনেই নাই ৷ যাৰ সুমধুৰ কণ্ঠৰ অনুৰাগী অধিকাংশ লোক ৷ শিল্পীগৰাকীৰ প্ৰতিটো গান শুনিয়ে শান্তি আৰু সান্ত্বনা পোৱাৰ বাবেই বেছিভাগ সময়ত তেওঁৰ গানসমূহে চৰ্চা লাভ কৰা দেখা যায় ৷
Pakistan's Geo News reports, singer Rahat Fateh Ali Khan has been arrested in Dubai over a defamation complaint by his former manager Salman Ahmed, according to Dubai police sources. Rahat’s former manager Ahmed had submitted complaints against him to the Dubai authorities, as… pic.twitter.com/NYalzn1x6F
— ANI (@ANI) July 22, 2024
কিন্তু এইবাৰ শিল্পীগৰাকী সংবাদ মাধ্যমৰ চৰ্চাত থকাৰ কাৰণ বেলেগ । শেহতীয়াকৈ শিল্পীগৰাকীক ডুবাই আন্তৰাষ্ট্ৰীয় বিমানবন্দৰত গ্ৰেপ্তাৰ কৰাৰ কথা সংবাদ মাধ্যমত প্ৰকাশ পাইছিল ৷ পিছে এই খবৰ সঁচা নহয়, বৰং ই উৰাবাতৰিহে ৷ জনপ্ৰিয় গায়কগৰাকীৰ বিৰুদ্ধে তেওঁৰে প্ৰাক্তন মেনেজাৰ ছলমান আহমেদে অভিযোগ তুলিছিল মানহানিৰ ৷ এই অভিযোগৰ পিছতে ডুবাই বিমানবন্দৰত গ্ৰেপ্তাৰ কৰা হৈছিল খ্যাতনামা কণ্ঠশিল্পীগৰাকীক । পিছে এই খবৰৰ কোনো সত্যাসত্য নাই ৷
শেহতীয়াকৈ ৰাহত ফতেহ আলী খানে সামাজিক মাধ্যমত এটা ভিডিঅ' পোষ্ট কৰি এই উৰাবাতৰিসমূহ নস্যাৎ কৰিছে ৷ ভিডিঅ'টোত খানে কৈছিল যে- "মই আপোনালোকৰ ৰাহত ফতেহ আলী খান ৷ মই ডুবাইলৈ মোৰ গানবোৰ বাণীবদ্ধ কৰিবলৈ আহিছো আৰু গানসমূহ খুব ভালদৰে ইয়াত বাণীবদ্ধ কৰা হৈছে । সকলো ঠিকেই আছে । মই কেৱল এয়াই ক'ব বিচাৰো যে, সস্তীয়া উৰাবাতৰিত বিশ্বাস নকৰিব ৷ মই সোনকালেই মোৰ দেশলৈ ঘূৰি আহিম, আপোনালোকৰ ওচৰলৈ । আমি বহুত ধুনীয়া গান লৈ উভতি আহি আছো । মই কেৱল আপোনাক অনুৰোধ জনাইছো যে, মোৰ অনুৰাগীসকল মোৰ শক্তি, এজন শিল্পীক এজন অনুৰাগীয়ে তুলি ধৰে । ঈশ্বৰৰ পিছত, মোৰ অনুৰাগীসকল মোৰ শক্তি"।
গায়কগৰাকীক লৈ সৃষ্টি হোৱা বিতৰ্ক এয়ে প্ৰথম নহয় ৷ চলিত বছৰৰ আৰম্ভণিতে নাভিদ হাসনাইন নামৰ এজন ব্যক্তিক আক্ৰমণ কৰাৰ এটা ভিডিঅ' ইণ্টাৰনেটত ভাইৰেল হোৱাৰ পিছত ৰাহত ফতেহ আলী খানক যথেষ্ট সমালোচনা কৰা হৈছিল ৷ বিশেষকৈ অনুৰাগীসকলে সামাজিক মাধ্যমত শিল্পীগৰাকীক যথেষ্ট সমালোচনা কৰিছিল ৷ পৰৱৰ্তী সময়ত এক প’ডকাষ্টৰ জৰিয়তে শিল্পীগৰাকীয়ে এই সমালোচনাৰ উত্তৰ দিছিল ৷
লগতে পঢ়ক: ব্যক্তিগত সুখৰ বাবে আমিৰৰ পৰা আঁতৰি অহাটো জৰুৰী আছিল - Krian Rao Aamir Khan divorce
