চিটাৰা ডেস্ক, ৬ মাৰ্চ: প্ৰয়াত শ্ৰীদেৱী আৰু বনী কাপুৰৰ কন্যা জাহ্নৱী কাপুৰৰ আজি ২৭ সংখ্যক জন্মদিন । মাতৃৰ দৰে জাহ্নৱী কাপুৰো বলীউডৰ এগৰাকী অভিনেত্ৰী । জাহ্নৱী কাপুৰে নিজৰ কেৰিয়াৰত এই পৰ্যন্ত বহুকেইটা ছবিত অভিনয় কৰিছে । ইফালে আজি অভিনেত্ৰীগৰাকীৰ জন্মদিনত তেওঁৰ কনিষ্ঠ ভগ্নী খুশী কাপুৰে তেওঁক বিশেষভাৱে জন্মদিনৰ শুভেচ্ছা জনাইছে ।
খুশীয়ে নিজৰ ইনষ্টা একাউণ্টত ভগ্নী জাহ্নৱীৰ সৈতে তেওঁৰ শৈশৱৰ এখন মৰমলগা ছবি শ্বেয়াৰ কৰিছে । ফটোখনত কণমানি জাহ্নৱীয়ে সৰু ভনীয়েক খুশীক কোলাত লৈ থকা দেখা গৈছে । এই ছবিখনৰ লগতে খুশীয়ে বায়েকৰ বাবে লিখিছে, “মোৰ প্ৰিয় মানুহজনীলৈ জন্মদিনৰ শুভেচ্ছা থাকিল, তোমাক বহুত ভাল পাওঁ, জাহ্নৱী কাপুৰ ।”
দ্বিতীয়খন ছবিত জাহ্নৱীয়ে কণমানি ভনীয়েক খুশীৰ গালত চুমা খাই থকা দেখা গৈছে । শৈশৱৰ এই ছবিবোৰ শ্বেয়াৰ কৰাৰ সময়ত খুশীয়ে ভনীয়েকৰ নামত এটা হৃদয়স্পৰ্শী কেপচনো লিখিছে । খুশীয়ে জাহ্নৱীৰ বিষয়ে কয় যে জাহ্নৱী তেওঁৰ "বৃহত্তম চিয়াৰলিডাৰ" আৰু "সৰ্ববৃহৎ মূৰৰ বিষ" ।
উল্লেখ্য যে, শেহতীয়াকৈ জামনগৰত অনন্ত আম্বানী আৰু ৰাধিকা মাৰ্চেণ্টৰ প্ৰি-ৱেডিং উদযাপনত জাহ্নৱী আৰু খুশীয়ে অংশগ্ৰহণ কৰিছিল । এই বৃহৎ উদযাপনৰ সময়ত দুয়োগৰাকী ভগ্নীয়ে নিজৰ নিজৰ ফেশ্বন ষ্টাইলেৰে সকলোৰে দৃষ্টি আকৰ্ষণ কৰিছিল । এই সময়চোৱাত দুয়োগৰাকী ভগ্নীৰ মাজত এক সুন্দৰ বন্ধনো দেখা গৈছিল ।
জাহ্নৱী-খুশীৰ ৱৰ্কফ্ৰণ্ট
জাহ্নৱী কাপুৰৰ ৱৰ্ক ফ্ৰণ্টৰ কথা ক’বলৈ গ’লে অতি সোনকালে তেওঁক দেখা যাব ক্ৰীড়া নাটক ছবি মিষ্টাৰ এণ্ড মিচেছ মাহীত । এই ছবিখনত শৰণ শৰ্মাৰ পৰিচালনাত অভিনেত্ৰীগৰাকীয়ে ৰাজকুমাৰ ৰাওৰ সৈতে পৰ্দা শ্বেয়াৰ কৰা দেখা যাব । আনহাতে জাহ্নৱী কাপুৰক দেখা যাব জুনিয়ৰ এন টি আৰ আৰু ছাইফ আলী খানৰ সৈতে আটাইতকৈ প্ৰত্যাশিত ছবি দেৱৰাত ।
খুশী কাপুৰৰ ৱৰ্ক ফ্ৰণ্টৰ কথা ক’বলৈ গ’লে যোৱা বছৰ জ’য়া আখতাৰৰ মিউজিকেল কমেডী ‘দ্য আৰ্চিজ’ৰ জৰিয়তে ছবি জগতত আত্মপ্ৰকাশ কৰিছে ।
লগতে পঢ়ক: তৃপ্তি ডিমৰীয়ে পৰিয়ালৰ সৈতে উদযাপন কৰিছে জন্মদিন, লাভ কৰিলে বিশেষ উপহাৰ
