চিটাৰা ডেস্ক, 23 জুলাই : পাণ্ডিয়া-পাণ্ডেৰ মাজত কিবা আৰম্ভ হৈছে বুলি বুবু-বাবা চলি আছে ছ’চিয়েল মিডিয়াত ৷ আম্বানীৰ বিয়াত একেলগে কটোৱা সময়ৰ পিচতে দুয়োৱে দুয়োকে ইনষ্টাগ্ৰামত ফ’ল’ কৰিবলৈ আৰম্ভ কৰে ৷ বিয়াৰ পৰা দুয়োৰে নৃত্যৰ ভিডিঅ’ও ভাইৰেল হৈ পৰিছিল ৷ খুব উল্লাসিত ৰূপত হাৰ্দিক-অনন্যাই এজনে আনজনৰ সংগ উপভোগ কৰিছিল যেন অনুমান হয় ৷
অলপতে হোৱা ডিভোৰ্চৰ পিচত এতিয়া হাৰ্দিক-অনন্যাৰ লিংকআপৰ বাতৰি ঘূৰি আছে ৷ কিন্তু তাৰ মাজতে অনন্যাক দেখা গ’ল এখন কোটিটকীয়া বিলাসী গাড়ীত ৷ পাপাৰাজ্জীয়ে গাড়ীখনৰ সৈতে কেমেৰাত বন্দী কৰে অনন্যাক ৷
এই গাড়ীখন খোদ নিজকে উপহাৰ দিছে অনন্যা পাণ্ডেই ৷ 2 কোটিৰো অধিক মূল্যৰ এখন নতুন বিলাসী এছ ইউ ভি ক্ৰয় কৰিছে অনন্যাই । নতুন গাড়ীৰ সৈতে অনন্যাৰ ভিডিঅ’ আৰু ফটো সামাজিক মাধ্যমত ঘূৰি আছে । দুই কোটিৰো অধিক মূল্যৰ নতুন বিলাসী এছ ইউ ভি লৈ মহানগৰীত খুচিমতে ঘূৰিছে অনন্যা ৷
বগা ৰেঞ্জ ৰভাৰৰ কাষত পাপাৰাজ্জীয়ে বন্দী কৰে অনন্যাক ৷ মালাৰে সজ্জিত আছিল গাড়ীখন । ক'লা চৰ্টছ আৰু স্লিপাৰৰ সৈতে পিন্ধা ধূসৰ ৰঙৰ টেংক টপত সাধাৰণভাৱে আকৰ্ষণীয় দেখা গৈছিল তেওঁক ৷ ন্যূনতম মেকআপ আৰু খোপাৰে বাহিৰলৈ ওলাই গৈছিল অনন্যা ৷
নিজৰ নতুন গাড়ীখনৰ বাবে পাপাৰাজ্জীৰ পৰা পোৱা অভিনন্দন স্বীকাৰ কৰি সকলোকে "ধন্যবাদ" জনাই অভিনেত্ৰীগৰাকীয়ে ।
পেছাদাৰী ক্ষেত্ৰত অনন্যা 6 ছেপ্টেম্বৰত মুক্তি পাবলগীয়া আগন্তুক আমাজন প্ৰাইম চিৰিজ কল মি বে’ত নিজৰ চৰিত্ৰটোৰ বাবে সাজু হৈছে । শ্ব’টোত এগৰাকী কোটিপতি ফেশ্বনিষ্টাৰ যাত্ৰা দেখুওৱা হৈছে যিয়ে এটা কেলেংকাৰীৰ পিচত পাৰিবাৰিক বিচ্ছিন্নতাৰ সন্মুখীন হৈ স্বাধীনতা বিচাৰি আগবাঢ়িছে । ইয়াৰ উপৰিও অভিনেত্ৰীগৰাকীয়ে কন্ট্ৰল আৰু দ্য আনটল্ড ষ্ট’ৰী অৱ চি শংকৰণ নায়ৰত অভিনয়ৰ বাবে প্ৰস্তুতি চলাই আছে ।
ইয়াৰ পূৰ্বে অনন্যাক অ’টিটি প্লেটফৰ্মত দেখা গৈছিল খো গয়ে হম কাহাত, য’ত সিদ্ধান্ত চতুৰ্বেদী আৰু আদৰ্শ গৌৰৱৰ সৈতে তেওঁৰ অভিনয়ে ইতিবাচক সঁহাৰি লাভ কৰিছিল ।
লগতে পঢ়ক : ব্যক্তিগত সুখৰ বাবে আমিৰৰ পৰা আঁতৰি অহাটো জৰুৰী আছিল - Krian Rao Aamir Khan divorce
