নেশ্যনেল ডেস্ক, 7 আগষ্ট: বিৰোধী দলৰ নেতা ৰাহুল গান্ধীয়ে সামাজিক মাধ্যম এক্সৰ জৰিয়তে পেৰিছ অলিম্পিকৰ ফাইনেলত উপনীত হোৱা হাৰিয়ানাৰ 29 বছৰীয়া মহিলা মল্লযোদ্ধা বিনেশ ফোগাটক উচ্চ প্ৰশংসা কৰা দেখা যায় ৷ মঙলবাৰে অনুষ্ঠিত ছেমি ফাইনেলৰ মেচত মল্লযোদ্ধাগৰাকীয়ে কিউবাৰ য়ুচনিলিছ গুজমানক 5-0 গ’লত পৰাস্ত কৰি অলিম্পিকৰ ফাইনেলত উপনীত হোৱা প্ৰথম গৰাকী ভাৰতীয় মহিলা মল্লযোদ্ধা হিচাপে ইতিহাস সৃষ্টি কৰে । ফাইনেলত খেলুৱৈগৰাকী আমেৰিকা যুক্তৰাষ্ট্ৰৰ চাৰাহ হিল্ডেব্ৰেণ্ডৰ মুখামুখি হ'ব ।
পোষ্টটোত গান্ধীয়ে মল্লযোদ্ধাগৰাকীক প্ৰশংসা কৰি কয় যে, পেৰিছত তেওঁৰ সফলতাৰ প্ৰতিধ্বনি দেশৰ ৰাষ্ট্ৰীয় ৰাজধানী নতুন দিল্লীলৈকে শুনা গৈছে ৷ যি সকলে ফোগাটৰ সামৰ্থ আৰু উদ্দেশ্যৰ ওপৰত সন্দেহ প্ৰকাশ কৰিছিল, এই জয়ে তেওঁলোকক বৃহৎ আঘাত হনা দেখা গৈছে ৷
एक ही दिन में दुनिया की तीन धुरंधर पहलवानों को हराने के बाद आज विनेश के साथ-साथ पूरा देश भावुक है।
— Rahul Gandhi (@RahulGandhi) August 6, 2024
जिन्होंने भी विनेश और उसके साथियों के संघर्ष को झुठलाया, उनकी नीयत और काबिलियत तक पर प्रश्नचिन्ह खड़े किए, उन सभी को जवाब मिल चुका है।
आज भारत की बहादुर बेटी के सामने सत्ता का… pic.twitter.com/MzfIrYfRog
পোষ্টটোত লিখা আছিল: "আজি বিনেশৰ সৈতে এদিনতে বিশ্বৰ তিনিজন শীৰ্ষ মল্লযোদ্ধাক পৰাস্ত কৰাৰ পিছত সমগ্ৰ দেশ আৱেগিক হৈ পৰে । যি সকলে বিনেশ আৰু তেওঁৰ সতীৰ্থসকলৰ সংগ্ৰামক অস্বীকাৰ কৰিছিল আৰু আনকি তেওঁলোকৰ উদ্দেশ্য আৰু সামৰ্থৰ ওপৰতো প্ৰশ্ন উত্থাপন কৰিছিল, তেওঁলোকে তেওঁলোকৰ উত্তৰ পাইছে ।
আজি ভাৰতত তেজৰ চকুপানী বোৱাই নিয়া সমগ্ৰ শক্তিটো দেশৰ সাহসী জীয়ৰীগৰাকীৰ সন্মুখত বিধ্বস্ত হৈ পৰে ৷ এয়া হৈছে চেম্পিয়নসকলৰ পৰিচয়, তেওঁলোকে খেলপথাৰৰ পৰা তেওঁলোকৰ উত্তৰ দিয়ে । শুভকামনা বিনেশ । পেৰিছত আপোনাৰ সফলতাৰ প্ৰতিধ্বনি দিল্লীলৈকে স্পষ্টভাৱে শুনিব পাৰি" ৷
এই বিজয় ৰাজনৈতিকভাৱে কিয় গুৰুত্বপূৰ্ণ ?
ফোগাট তিনিগৰাকী শীৰ্ষ মল্লযোদ্ধাৰ ভিতৰৰ এগৰাকী আছিল, যিয়ে ভাৰতীয় কুস্তি ফেডাৰেচন (ডব্লিউ এফ আই)ৰ প্ৰাক্তন মুৰব্বী আৰু তেতিয়াৰ বিজেপি সাংসদ ব্ৰীজভূষণ শৰণ সিঙৰ বিৰুদ্ধে এক প্ৰতিবাদৰ নেতৃত্ব দিছিল ৷ সিঙৰ বিৰুদ্ধে উত্থাপিত হৈছিল মহিলা মল্লযোদ্ধাসকলক যৌন নিৰ্যাতন কৰাৰ অভিযোগ ৷ ফোগাটৰ সৈতে একেলগে থিয় হোৱা আন মল্লযোদ্ধাসকল আছিল- বজৰং পুনিয়া আৰু সাক্ষী মালিক ।
2023 চনৰ মে’ মাহত নতুন সংসদৰ উদ্বোধনৰ দিনা, ফোগাট, পুনিয়া, মালিক আৰু সংগীতা ফোগাটৰ লগতে আন কেইবাজনো প্ৰতিবাদকাৰী মল্লযোদ্ধাক দিল্লী আৰক্ষীয়ে জিম্মাত লৈছিল । শান্তি বিঘ্নিত কৰাৰ বাবে তেওঁলোকৰ বিৰুদ্ধে দাখিল কৰা হৈছিল এজাহাৰ ৷ 30 মে’ত মল্লযোদ্ধাসকলে হৰিদ্বাৰ ভ্ৰমণ কৰে আৰু প্ৰতিবাদৰূপে গংগাত তেওঁলোকৰ পদকসমূহ উটুৱাই দিয়ে ।
ব্ৰীজভূষণে 2023 চনত পদত্যাগ কৰাৰ আগতে 12 বছৰৰ বাবে ডব্লিউ এফ আইৰ নেতৃত্ব দিছিল ৷ ছয়বাৰৰ সাংসদগৰাকীক বিজেপিয়ে 2024 চনৰ লোকসভা নিৰ্বাচনত প্ৰতিদ্বন্দ্বিতা আগবঢ়োৱাৰ ক্ষেত্ৰত বাদ দিয়ে । প্ৰতিবাদবোৰে কেন্দ্ৰৰ ওপৰত খেলুৱৈসকলৰ প্ৰতি অসহিষ্ণুতাৰ অভিযোগ উত্থাপন কৰি দেশক জোকাৰি গৈছিল ।
ফোগাটৰ ঐতিহাসিক বিজয়ৰ পিছত মঙলবাৰে অলিম্পিক পদক বিজয়ী বজৰং পুনিয়াই ৰাইজক প্ৰতিবাদৰ সময়ত হোৱা অত্যাচাৰ আৰু উৎপীড়নৰ কথা মনত পেলাই দিয়ে ।
সন্মুখীন হোৱা প্ৰত্যাহ্বানসমূহ: প্ৰতিবাদৰ পিছত ফোগাটে আঁঠুৰ আঘাতত ভূগিছিল, যাৰ বাবে 2023 চনত এছিয়ান গেমছত অংশগ্ৰহণ কৰাৰ পৰা খেলুৱৈগৰাকী বিৰত থাকিবলগীয়া হয় ৷ পৰৱৰ্তী সময়ত আন বহু প্ৰত্যাহ্বান আহি পৰে খেলুৱৈগৰাকীৰ সন্মুখত, যাৰ ভিতৰত আছে আৰক্ষীৰ প্ৰহাৰ আৰু হিন্দু জাতীয়তাবাদী দলৰ অনুগামীসকলৰ দ্বাৰা ছ'চিয়েল মিডিয়াত ঘৃণামূলক প্ৰচাৰ । বিনেশে 53 কিলোগ্ৰামৰ পৰিৱৰ্তে 50 কিলোগ্ৰাম ওজন শ্ৰেণীত আগবঢ়াইছিল প্ৰতিদ্বন্দ্বিতা ৷
বজৰং পুনিয়াই ব্যক্ত কৰিছে প্ৰতিক্ৰিয়া: কেন্দ্ৰ আৰু বিজেপিৰ তথ্য প্ৰযুক্তি কোষৰ বিবেকক প্ৰশ্ন কৰি পুনিয়াই তেওঁৰ সহকৰ্মীৰ জয়ৰ পিছত কিছু প্ৰশ্ন উত্থাপন কৰে । ছ'চিয়েল মিডিয়াৰ জৰিয়তে তেওঁ ব্যক্ত কৰিছিল, "এয়া বিজেপিৰ আই টি চেল আৰু ব্ৰীজভূষণ সিঙৰ মুখত মৰা এটা প্ৰচণ্ড চৰ হ'ব, যি সকলে ফোগাটৰ ওপৰত চিঞৰি আছিল । তেওঁলোকে কেনেকৈ ভাৰতৰ কন্যা, ভগ্নীসকলৰ চকুত চকু থব পাৰিব ?"
विनेश ने इतिहास रच दिया है. विनेश महिला कुश्ती में ओलंपिक के फाइनल में पहुंचने वाली पहली भारतीय महिला पहलवान बन गई हैं.
— Bajrang Punia 🇮🇳 (@BajrangPunia) August 6, 2024
आज सब भारतीयों की आंखों में आसूं हैं.
ये देश की बेटियां हैं, जिन्होंने हमेशा ही देश की शान बढ़ाई है. जिन लोगों ने हमेशा इन बेटियों की राह में कांटे बिछाए… pic.twitter.com/NJ8t4p4h0Y
অভিনৱ বিন্দ্ৰাই ব্যক্ত কৰিছে প্ৰতিক্ৰিয়া: অলিম্পিকৰ স্বৰ্ণপদক বিজয়ী অভিনৱ বিন্দ্ৰাই কৈছিল যে, লিগামেণ্ট ফাটি যোৱা আৰু কম ওজনৰ শ্ৰেণীত প্ৰতিদ্বন্দ্বিতা কৰা স্বত্বেও বিনেশ ফোগাটক চূড়ান্ত লক্ষ্যত উপনীত হোৱাত একোৱেই বাধা দিব নোৱাৰে ।
A torn ligament. A lower weight category. An unbeaten world champion. Nothing stands in her way. Can’t wait to cheer @Phogat_Vinesh as she goes for gold. Your resilience and strength inspire us all. What an inspiring day, here’s hoping for one more! 🌟🇮🇳 #Paris2024 #Wrestling… pic.twitter.com/3AZ56wKEEZ
— Abhinav A. Bindra OLY (@Abhinav_Bindra) August 6, 2024
