নিউজ ডেস্ক, ১৭ অক্টোবৰ : বিজেপিৰ নায়ব সিং ছাইনীয়ে বৃহস্পতিবাৰে দ্বিতীয়বাৰৰ বাবে হাৰিয়ানাৰ মুখ্যমন্ত্ৰী হিচাপে শপতগ্ৰহণ কৰে । ছাইনীৰ লগত আৰু ১৩ জন মন্ত্ৰীয়ে শপতগ্ৰহণ কৰে ।
পঞ্চকুলাৰ দশহৰা খেলপথাৰত অনুষ্ঠিত এই শপতগ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিঙৰ লগতে নীতিন গাডকাৰী আৰু ৰাজীৱ ৰঞ্জন সিঙৰ দৰে কেন্দ্ৰীয় মন্ত্ৰী । ১৩ জন বিধায়কৰ ভিতৰত ১১ জন বিধায়কে কেবিনেট মন্ত্ৰী আৰু ২ জন ৰাজ্যিক মন্ত্ৰী (স্বাধীন দায়িত্ব) হিচাপে শপত গ্ৰহণ কৰে ।
#WATCH | Nayab Singh Saini takes oath as Haryana CM for the second consecutive time, in Panchkula
— ANI (@ANI) October 17, 2024
Prime Minister Narendra Modi, Union Home Minister Amit Shah, BJP national president JP Nadda, Defence Minister Rajnath Singh, UP CM Yogi Adityanath and other CMs, Deputy CMs, Union… pic.twitter.com/WK9ljGLwzd
জাতীয় সমীকৰণৰ ভাৰসাম্য ৰক্ষা কৰি মন্ত্ৰীসভা গঠন:
নায়ব সিং ছাইনীৰ মন্ত্ৰীসভাত জাতি আৰু আঞ্চলিক সমীকৰণৰ ভাৰসাম্য ৰক্ষা কৰা হৈছে ৷ তেওঁৰ মন্ত্ৰীসভাত ২ জন দলিত, ২ জন ব্ৰাহ্মণ, ২ জন জাট, ৪ জন অ’ বি চি, এজন ৰাজপুত, এজন পাঞ্জাবী আৰু এজন বনিয়া গোষ্ঠীৰ লোকে স্থান লাভ কৰিছে ।
BJP MLAs Krishan Lal Panwar, Rao Narbir Singh, Mahipal Dhanda and Vipul Goel take oath as cabinet ministers in the Haryana government pic.twitter.com/dvr1wZLQkL
— ANI (@ANI) October 17, 2024
নায়ব সিং ছাইনীৰ মন্ত্ৰীসভা
- পাঞ্জাবী : অনিল বিজ
- দলিত : কৃষ্ণ লাল পানৱাৰ, কৃষ্ণ কুমাৰ বেদী
- ব্ৰাহ্মণ : অৰবিন্দ শৰ্মা, গৌৰৱ গৌতম
- জাট : শ্ৰুতি চৌধুৰী, মহিপাল ধনদা
- অ’ বি চি : ৰাও নৰবীৰ সিং, আৰতি ৰাও, ৰণবীৰ সিং গংগৱা, ৰাজেশ নাগৰ
- ব্যৱসায়ী : বিপুল গোয়েল
- ৰাজপুত : শ্যাম সিং ৰাণা
শপতগ্ৰহণ অনুষ্ঠানত মুখ্যমন্ত্ৰী হিমন্ত বিশ্ব শৰ্মা:
উল্লেখ্য যে, চলিত বিধানসভা নিৰ্বাচনত ৯০খন আসনৰ ভিতৰত ৪৮খন আসন লাভ কৰি হাৰিয়ানাত একেৰাহে তৃতীয়খন চৰকাৰ গঠন কৰিছে বিজেপিয়ে । কংগ্ৰেছে লাভ কৰে ৩৭খন আসন । এই অনুষ্ঠানত অসমৰ মুখ্যমন্ত্ৰী হিমন্ত বিশ্ব শৰ্মা, গুজৰাটৰ মুখ্যমন্ত্ৰী ভূপেন্দ্ৰ পেটেল, উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ লগতে বিজেপি শাসিত ৰাজ্যৰ মুখ্যমন্ত্ৰীসকল উপস্থিত থাকে ।
असम की जनता की ओर से हरियाणा के मुख्यमंत्री पद पर शपथ ग्रहण करने पर श्री @NayabSainiBJP जी को और नव नियुक्त मंत्रिमण्डल को हार्दिक बधाई एवं अभिनंदन। हरियाणा की जनता ने तीसरी बार भाजपा को सेवा का अवसर दिया है। मैं माँ कामाख्या और श्रीमंत शंकरदेव से प्रार्थना करता हूँ कि आपको राज्य… pic.twitter.com/dbts2LYs0S
— Himanta Biswa Sarma (@himantabiswa) October 17, 2024
অন্ধ্ৰ প্ৰদেশৰ মুখ্যমন্ত্ৰী চন্দ্ৰবাবু নাইডু, উপ-মুখ্যমন্ত্ৰী পৱন কল্যাণ, মহাৰাষ্ট্ৰৰ মুখ্যমন্ত্ৰী একনাথ সিন্দে আদি এন ডি এৰ আন নেতাসকলো পঞ্চকুলাত উপস্থিত আছিল ।
বুধবাৰে চণ্ডীগড়ত কেন্দ্ৰীয় গৃহমন্ত্ৰী অমিত শ্বাহৰ অধ্যক্ষতাত অনুষ্ঠিত বিধায়িনী দলৰ বৈঠকত নায়ব সিং ছাইনীক নেতা হিচাপে নিৰ্বাচিত কৰা হয় ।
এন ডি এৰ বৈঠক সম্বোধন প্ৰধানমন্ত্ৰী নৰেন্দ্ৰ মোদীৰ:
ইপিনে শপতগ্ৰহণ অনুষ্ঠানৰ পিছতে চণ্ডীগড়ত বিয়লি ৩ বজাৰ পৰা ৫ বজালৈ এন ডি এৰ এক গুৰুত্বপূৰ্ণ বৈঠকৰ আহ্বান কৰা হৈছে । হাৰিয়ানাৰ মুখ্যমন্ত্ৰী নায়ব সিং ছাইনীৰ শপতগ্ৰহণৰ লগত সংগতি ৰাখি আজি চণ্ডীগড়ত অনুষ্ঠিত হোৱা এন ডি এৰ বৈঠকত প্ৰধানমন্ত্ৰী নৰেন্দ্ৰ মোদীয়ে ভাষণ দিব ।
লগতে পঢ়ক: হাৰিয়ানাৰ মুখ্যমন্ত্ৰী হিচাবে শপত গ্ৰহণ নায়ব সিং সাইনিৰ
