নিউজ ডেস্ক, 6 ছেপ্টেম্বৰ: শুকুৰবাৰে সন্ধিয়া উত্তৰ প্ৰদেশৰ হাথৰছৰ চান্দপা কোটৱালি অঞ্চলত সংঘটিত হয় এক বৃহৎ পথ দুৰ্ঘটনা । চান্দপা কোটৱালি অঞ্চলৰ মীটাই বাইপাছত আলিগড় ডিপোৰ এ চি জনৰথ নামৰ বাছখন আৰু এখন পিকআপ ভানৰ মাজত সংঘৰ্ষ হয় । পিকআপ ভানখনত মহিলা, পুৰুষ আৰু শিশুসহ কেবাগৰাকীও যাত্ৰী আছিল । এই ভয়াৱহ পথ দুৰ্ঘটনাত এতিয়ালৈকে ১৫ জন লোকৰ মৃত্যু হোৱাৰ খবৰ পোৱা গৈছে । ইফালে বহু লোক আহত হৈছে । দুৰ্ঘটনা সংঘটিত হোৱাৰ পিছতে অঞ্চলটোত আতংকৰ সৃষ্টি হৈছে ।
দুৰ্ঘটনাৰ তথ্য লাভ কৰাৰ পিছতে আৰক্ষী আৰু অগ্নিনিৰ্বাপক বাহিনী ঘটনাস্থলীত উপস্থিত হৈ উদ্ধাৰ অভিযান আৰম্ভ কৰে । ঘটনাস্থলীত আৰক্ষী অধীক্ষক নিপুন আগৰৱালা, জিলা দণ্ডাধীশ আশীষ কুমাৰ, চি অ’ হিমাংশু মাথুৰ উপস্থিত থাকে আৰক্ষী বাহিনীৰ সৈতে । আহতসকলক জিলা চিকিৎসালয়ত ভৰ্তি কৰোৱা হৈছে ।
এই দুৰ্ঘটনা সন্দৰ্ভত শোক প্ৰকাশ কৰিছে মুখ্যমন্ত্ৰী যোগী আদিত্যনাথ আৰু প্ৰধানমন্ত্ৰী নৰেন্দ্ৰ মোদীয়ে । ইয়াৰ সমান্তৰালকৈ প্ৰধানমন্ত্ৰীয়ে মৃতকৰ পৰিয়াললৈ ২ লাখ টকা আৰু আহতসকলক ৫০ হাজাৰ টকাৰ আৰ্থিক সাহায্য দিয়াৰ কথা ঘোষণা কৰিছে ।
জিলা দণ্ডাধীশ আশীষ কুমাৰে জনোৱা মতে, আগ্ৰা-আলিগড় ৰাষ্ট্ৰীয় ঘাইপথত অভাৰটেকৰ সময়ত এখন ৰোডৱেজ বাছে পিকআপ ভানখনত খুন্দা মাৰে । এই দুৰ্ঘটনাত ১৫ জন লোকৰ মৃত্যু হোৱাৰ বিপৰীতে ১৯ জন আহত হয় । আহতসকলৰ ভিতৰত ৮ জনৰ অৱস্থা সংকটজনক আৰু তেওঁলোকক উন্নত চিকিৎসাৰ বাবে প্ৰেৰণ কৰা হৈছে । দুৰ্ঘটনাটোত ৭ জন পুৰুষ, চাৰিগৰাকী মহিলা আৰু চাৰিটা শিশু নিহত হৈছে ।
নিহত লোকসকল আগ্ৰাৰ বাসিন্দা: আৰক্ষী অধীক্ষক নিপুন আগৰৱালাই জানিবলৈ দিয়া মতে, দুৰ্ঘটনাটোত নিহত আটাইকেইজন লোক সাছনীৰ পৰা খাণ্ডাউলীলৈ গৈ আছিল । এই আটাইকেইজন লোক আহিছিল হাথৰছৰ মুকান্দ খেদা গাঁৱলৈ । চালকজনক গ্ৰেপ্তাৰ কৰাৰ প্ৰচেষ্টা অব্যাহত আছে । ইতিমধ্যে মৃতকক চিনাক্ত কৰা হৈছে । জানিব পৰা মতে, এক ভোজত অংশ লোৱাৰ পিছত আগ্ৰাৰ খাণ্ডাউলী থানা এলেকাৰ সেমৰা গাঁৱৰ ৩০ জনতকৈ অধিক লোক পিকআপ ভানত উঠি নিজৰ ঘৰলৈ উভতি আহিছিল । য’ত শিশু, মহিলা আৰু বৃদ্ধও আছিল ।
মৃতসকল- ইৰ্শ্বাদ, ছোটে, মুন্না, মুস্কান, ভোলা, হামিদ ওৰফে তল্লী, হামিদ উফ তাল্লী, নাজমা, খুছবু, জামিল, আয়ান, চুফিয়ান, ছয়েব, চণু আৰু ইছৰাত ।
ইফালে আলিগড়ৰ পৰা উপায়ুক্ত চৈত্ৰা ভি আই জি শালভ মাথুৰে আহতসকলৰ স্বাস্থ্যৰ খবৰ ল’বলৈ জিলা চিকিৎসালয়ত উপস্থিত হয় । উপায়ুক্ত চৈত্ৰাই এই দুৰ্ঘটনাত ১৫ জন লোকৰ মৃত্যু হোৱা বুলি জানিবলৈ দিয়ে । য’ত আছে ৭ জন পুৰুষ, ৪ গৰাকী মহিলা আৰু ৪ টি শিশু । তেওঁ জনোৱা মতে জিলা চিকিৎসালয়খনত ১১ জন আহত আছে । একে সময়তে গুৰুতৰভাৱে আহত ৮ জনক আলিগড় জে এন এম চিলৈ প্ৰেৰণ কৰা হৈছে ।
ক্ষতিপূৰণ ঘোষণা প্ৰধানমন্ত্ৰীৰ: এই দুৰ্ঘটনা সন্দৰ্ভত এক্সত এটা পোষ্টত প্ৰধানমন্ত্ৰীয়ে লিখিছে, ‘‘উত্তৰ প্ৰদেশৰ হাথৰছৰ পথ দুৰ্ঘটনা অত্যন্ত যন্ত্ৰণাদায়ক । যিসকলে পৰিয়ালৰ সদস্যক হেৰুৱাইছে তেওঁলোকৰ প্ৰতি মোৰ গভীৰ সমবেদনা জনাইছো । এই কঠিন সময়ত ভগৱানে তেওঁলোকক শক্তি প্ৰদান কৰক । ইয়াৰ লগতে দুৰ্ঘটনাটোত আহতসকলৰ আশু আৰোগ্য কামনা কৰিলো । ৰাজ্য চৰকাৰৰ তত্বাৱধানত স্থানীয় প্ৰশাসনে ভুক্তভোগীক সম্ভৱপৰ সকলো সহায় আগবঢ়োৱাত নিয়োজিত হৈ আছে । ইয়াৰ সমান্তৰালকৈ প্ৰধানমন্ত্ৰীৰ ৰাষ্ট্ৰীয় সাহায্য পুঁজি (পিএমএনআৰএফ)ৰ পৰা দুৰ্ঘটনাত নিহতসকলৰ পৰিয়ালক ২ লাখ টকা আৰু আহতসকলক ৫০ হাজাৰ টকাৰ আৰ্থিক সাহায্য প্ৰদান কৰা হ’ব ।’’
The Prime Minister has announced an ex-gratia of Rs. 2 lakh from PMNRF for the next of kin of each deceased in the mishap in Hathras, UP. The injured would be given Rs. 50,000. https://t.co/7qucGLR6ug
— PMO India (@PMOIndia) September 6, 2024
শোক প্ৰকাশ কৰিলে মুখ্যমন্ত্ৰীয়ে: মুখ্যমন্ত্ৰী যোগী আদিত্যনাথে তেওঁৰ এক্স-পোষ্টত লিখিছে যে ‘‘হাথৰছ জিলাত সংঘটিত পথ দুৰ্ঘটনাত বহুলোকে প্ৰাণ হেৰুওৱাটো অত্যন্ত দুখজনক । মৃতকৰ শোকসন্তপ্ত পৰিয়ালবৰ্গলৈ মোৰ সমবেদনা জ্ঞাপন কৰিলোঁ । আহতসকলক উপযুক্ত চিকিৎসাৰ ব্যৱস্থা কৰিবলৈ জিলা প্ৰশাসনৰ বিষয়াসকলক নিৰ্দেশ দিয়া হৈছে । ভগৱান শ্ৰীৰামৰ চৰণত বিদেহ আত্মাক শান্তি আৰু আহতসকলক শীঘ্ৰে আৰোগ্য লাভ কৰাৰ বাবে প্ৰাৰ্থনা জনাইছো ।’’
जनपद हाथरस में एक सड़क दुर्घटना में हुई जनहानि अत्यंत दुःखद है।
— Yogi Adityanath (@myogiadityanath) September 6, 2024
मेरी संवेदनाएं मृतकों के शोक संतप्त परिजनों के साथ हैं।
जिला प्रशासन के अधिकारियों को घायलों का समुचित उपचार कराने हेतु निर्देश दिए हैं।
प्रभु श्री राम से प्रार्थना है कि दिवंगत आत्माओं को अपने श्री चरणों में…
আগ্ৰাৰ সেমৰা গাঁৱত চাঞ্চল্য, মুখ্যমন্ত্ৰী যোগীক ক্ষতিপূৰণৰ দাবী কেন্দ্ৰীয় মন্ত্ৰীৰ: সেমৰা গাঁৱৰ ৰাইজে দুৰ্ঘটনাটোৰ তথ্য পোৱাৰ লগে লগে আতংকৰ সৃষ্টি হয় । মৃত আৰু আহতসকলৰ ঘৰত আত্মীয়ৰ সমাগম ঘটে । সমগ্ৰ গাঁওখনেই শোকত ভাগি পৰিছে । দুৰ্ঘটনাটোৰ তথ্য লাভ কৰাৰ লগে লগে আগ্ৰাৰ সাংসদ তথা কেন্দ্ৰীয় মন্ত্ৰী এছ পি সিং বাঘেলে মুখ্যমন্ত্ৰী যোগীৰ সৈতে ফোনযোগে বাৰ্তালাপ কৰে । তেওঁ কয়, ‘‘মই বৰ্তমান মহাৰাষ্ট্ৰ ভ্ৰমণত আছো । হাথৰছ দুৰ্ঘটনাটো অতি দুখজনক । এই দুৰ্ঘটনাত আগ্ৰা খাণ্ডাউলীৰ সেমৰা গাঁৱৰ ১৫ জন লোকৰ মৃত্যু হয় । মুখ্যমন্ত্ৰী যোগীৰ সৈতে যোগাযোগ কৰি মৃতকৰ পৰিয়ালক ক্ষতিপূৰণ দিবলৈ অনুৰোধ জনাইছো । কাইলৈ মই মহাৰাষ্ট্ৰৰ পৰা উভতি আহি সেমৰা গাঁৱলৈ যাম ।
লগতে পঢ়ক: মাজ আকাশত বিমান, তাতে আকৌ নাই এ চি : তেনেকৈয়ে উৰি থাকিল ১ ঘণ্টা ৫ মিনিট - IndiGo airline
ৰেগিঙৰ নামত ছাত্ৰক যৌন নিৰ্যাতন, উচিত তদন্তৰ দাবীত এন এছ ইউ আইৰ প্ৰতিবাদ - Dehradun ragging case
