নেশ্যনেল ডেস্ক, 24 জুন : সোমবাৰৰ পৰা আৰম্ভ হ’ব 18 সংখ্যক লোকসভাৰ প্ৰথমখন অধিৱেশন ৷ এই অধিৱেশনত প্ৰধানমন্ত্ৰী নৰেন্দ্ৰ মোদীকে ধৰি নৱনিৰ্বাচিত সাংসদ সদস্যসকলে শপত গ্ৰহণ কৰিব ।
ভাৰতীয় জনতা পাৰ্টীৰ সাংসদ ভৰত্ৰুহাৰী মাহতাবক লোকসভাৰ সমৰ্থক অধ্যক্ষ হিচাপে শপত গ্ৰহণ কৰোৱাব ৰাষ্ট্ৰপতি দ্ৰৌপদী মুৰ্মুৱে । ইয়াৰ পিছতে মাহতাবে লোকসভাৰ নেতা প্ৰধানমন্ত্ৰী নৰেন্দ্ৰ মোদীক সদনৰ সদস্য হিচাপে শপত গ্ৰহণ কৰিবলৈ আহ্বান জনাব । 26 জুনত লোকসভাৰ অধ্যক্ষ নিৰ্বাচন কৰা হ’ব । 27 জুনত সংসদৰ দুয়োখন সদনৰ যৌথ অধিৱেশনত ৰাষ্ট্ৰপতি দ্ৰৌপদী মুৰ্মুৱে ভাষণ প্ৰদান কৰাৰ সম্ভাৱনা আছে ।
লগতে পঢ়ক: ৩ বছৰত বিধানসভাত এটাও লিখিত প্ৰশ্ন নকৰা দুগৰাকী সংসদলৈ ! - MPs from Assam
সাধাৰণ নিৰ্বাচন অনুষ্ঠিত হৈ যোৱাৰ পাচত 18 সংখ্যক লোকসভাৰ এইখনেই প্ৰথম অধিৱেশন ৷ সদ্যসমাপ্ত সাধাৰণ নিৰ্বাচনত ৰাষ্ট্ৰীয় গণতান্ত্ৰিক মিত্ৰজোঁটে 293 খন আসন আৰু INDIA গোটে 234 খন আসন লাভ কৰাৰ লগতে কংগ্ৰেছ দলে লাভ কৰে 99 খন আসন । ইফালে, 24 জুনৰ পুৱা 10 বজাত সংসদৰ চিপিপিৰ কাৰ্যালয়ত নৱনিৰ্বাচিত কংগ্ৰেছ সাংসদৰ সৈতে বৈঠক আহ্বান কৰা হৈছে ।
লগতে পঢ়ক: NEET UG বিতৰ্ক : তদন্তৰ ভাৰ অৰ্পণ চি বি আইক - NEET UG 2024
মেডিকেল প্ৰৱেশ পৰীক্ষা ৰাষ্ট্ৰীয় যোগ্যতা-সহ-প্ৰৱেশ পৰীক্ষা-স্নাতক 2024 (NEET-UG) ত সংঘটিত হোৱা তথাকথিত অনিয়মৰ পিছত কংগ্ৰেছ নেতা ৰাহুল গান্ধী আৰু প্ৰিয়ংকা গান্ধীয়ে বিজেপিক সমালোচনাৰ লক্ষ্য কৰি লোৱা পৰিলক্ষিত হৈছে ৷ এই বিষয়টোৱে সদনৰ মজিয়া উত্তাল কৰাৰ সম্ভাৱনা আছে ৷
বিজেপি নেতা ভৰত্ৰুহৰী মাহতাবক প্ৰ’টেম অধ্যক্ষ হিচাপে নিযুক্তি দিয়াক লৈও বিতৰ্কৰ সৃষ্টি হোৱাৰ সম্ভাৱনা আছে ৷ বিৰোধীয়ে দাবী কৰা মতে জ্যেষ্ঠ কংগ্ৰেছ সদস্য কে সুৰেশক চৰকাৰে অৱজ্ঞা কৰিছে ।
ইফালে, প্ৰ’টেম অধ্যক্ষ হিচাপে নিযুক্তি পোৱা বিজেপিৰ সাংসদ ভৰত্ৰুহৰী মাহতাবে নৱনিৰ্বাচিত সদস্যসকলক শপত গ্ৰহণ কৰাৰ লগতে সদনৰ কাম-কাজ চোৱাচিতা কৰিব ।
লগতে পঢ়ক: 24 জুনৰ পৰা আৰম্ভ অষ্টাদশ লোকসভাৰ প্ৰথম অধিৱেশন - first session of 18th Lok Sabha
