উত্তৰ প্ৰদেশৰ গ’ণ্ডাত লাইনচ্যুত হ’ল ডিব্ৰুগড় এক্সপ্ৰেছ : নিহত ২, আহত ২০ ৰো অধিক - TRAIN ACCIDENT IN UP

Dibrugarh Express derailed in Gonda: উত্তৰ প্ৰদেশৰ গ’ণ্ডাত দুৰ্ঘটনাত পতিত হ’ল ডিব্ৰুগড় এক্সপ্ৰেছ ৷ উজনিমুৱা ১৫৯০৪ নম্বৰৰ ৰে’লখন লাইনচ্যুত হৈ পৰে ৷ অব্যাহত আছে উদ্ধাৰ অভিযান ৷ শেহতীয়া খবৰ অনুসৰি, এই দুৰ্ঘটনাত ইতিমধ্যে মৃত্যু হৈছে ২ জন ৰে’লযাত্ৰীৰ ৷

নেশ্যনেল ডেস্ক, ১৮ জুলাই : আকৌ ৰে’ল দুৰ্ঘটনা ৷ এইবাৰ দুৰ্ঘটনাত পতিত হ’ল ডিব্ৰুগড় এক্সপ্ৰেছ ৷ খবৰ অনুসৰি, চণ্ডীগড়ৰ পৰা ডিব্ৰুগড় অভিমুখে গৈ থকা উজনিমুৱা ১৫৯০৪ নম্বৰৰ ডিব্ৰুগড় এক্সপ্ৰেছৰ কেবাটাও দবা উত্তৰ প্ৰদেশৰ গ’ণ্ডাত লাইনচ্যুত হৈ পৰে ৷ ফলত এই ভয়ংকৰ ৰে’ল দুৰ্ঘটনাটো সংঘটিত হয় ।

প্ৰাথমিক তথ্য অনুসৰি, বৃহস্পতিবাৰে দিনৰ প্ৰায় ২.৩৭ বজাত ডিব্ৰুগড় এক্সপ্ৰেছৰ ১০ ৰ পৰা ১২ টা দবা লাইনচ্যুত হৈ পৰে । যাৰ ফলত ডিব্ৰুগড় এক্সপ্ৰেছৰ AC ক’চ (AC Coaches)ৰ অৱস্থা অতি শোচনীয় হৈ পৰে ।

এই খবৰ বিয়পি পৰাৰ লগে লগে ৰে’লখনৰ যাত্ৰীসকল আতংকিত হৈ পৰে ৷ এতিয়ালৈকে লাভ কৰা তথ্য অনুসৰি, গ’ণ্ডাৰ সমীপৰ ঝিলাহী ৰে’লৱে ষ্টেচনৰ সমীপত হোৱা এই দুৰ্ঘটনাত ইতিমধ্যে ২ জন ৰে’লযাত্ৰীৰ মৃত্যু হোৱাৰ লগতে আহত হৈছে ২০ ৰো লোক ৷

ঘটনা সন্দৰ্ভত ৰে’ল বিভাগে আৰম্ভ কৰিছে তদন্ত । ইফালে উত্তৰ প্ৰদেশৰ মুখ্যমন্ত্ৰী যোগী আদিত্যনাথে বিভাগীয় বিষয়াসকলক অনতিপলমে সেই স্থানত উপস্থিত হৈ উদ্ধাৰ অভিযান ক্ষীপ্ৰতাৰে কৰিবলৈ নিৰ্দেশ প্ৰদান কৰিছে । লগতে মুখ্যমন্ত্ৰী যোগীয়ে জিলা প্ৰশাসনৰ সকলো বিষয়াকে আহতসকলক উদ্ধাৰ কৰি চিকিৎসা প্ৰদান কৰিবলৈ নিৰ্দেশ দিছে । মুখ্যমন্ত্ৰীগৰাকীয়ে X যোগে এই দুৰ্ঘটনাৰ প্ৰতিক্ৰিয়া ব্যক্ত কৰিছে ৷

#UPCM @myogiadityanath ने जनपद गोंडा में ट्रेन हादसे का संज्ञान लेते हुए जिला प्रशासन के अधिकारियों को मौके पर पहुंचकर राहत कार्य में तेजी लाने के निर्देश दिए हैं।

मुख्यमंत्री जी ने अधिकारियों को घायलों को तत्काल अस्पताल पहुंचाकर उनके समुचित उपचार के निर्देश दिए हैं। साथ ही,…

— CM Office, GoUP (@CMOfficeUP) July 18, 2024

লগতে পঢ়ক : উদ্ধাৰ অভিযানৰ অন্ত: ৰে’ল সুৰক্ষা আয়োগে তদন্ত কৰিব কাঞ্চনজংঘা এক্সপ্ৰেছ দুৰ্ঘটনাৰ - Kanchanjunga Train Wreck

ইতিমধ্যে উত্তৰ প্ৰদেশ চৰকাৰে দুটা হেল্পলাইন নম্বৰ মুকলি কৰিছে -

• লক্ষ্ণৌৰ হেল্পলাইন নম্বৰ - ৮৯৫৭৪০৯২৯২ আৰু
• গ'ণ্ডাৰ হেল্পলাইন নম্বৰ - ৮৯৫৭৪০০৯৬৫

গ’ণ্ডাৰ ৰে’ল দুৰ্ঘটনা সন্দৰ্ভত ইতিমধ্যে অসমৰ মুখ্যমন্ত্ৰী ড৹ হিমন্ত বিশ্ব শৰ্মায়ো ব্যক্ত কৰিছে নিজৰ প্ৰতিক্ৰিয়া ৷

‼️HCM Dr @himantabiswa has been briefed about the derailment of Dibrugarh - Chandigarh express in Uttar Pradesh.

HCM is monitoring the situation and the Government of Assam is in touch with relevant authorities.

— Chief Minister Assam (@CMOfficeAssam) July 18, 2024

ইফালে উজনি অসমৰ বাবে কেইবাটাও ট’ল ফ্ৰী হেল্পলাইন নম্বৰ মুকলি কৰা হৈছে-

• ফৰকাটিং - ৯৯৫৭৫৫৫৯৬৬
• মৰিয়নী - ৬০০১৮৮২৪১০
• শিমলুগুৰি - ৮৭৮৯৫৪৩৭৯৮
• গুৱাহাটী - (০৩৬১) ২৭৩১৬২১, ২৭৩১৬২২, ২৭৩১৬২৩

শেহতীয়াকৈ লাভ কৰা অনুসৰি, যাত্ৰীবাহী ডিব্ৰুগড় এক্সপ্ৰেছখন দুৰ্ঘটনাত পতিত হোৱাৰ বাবে কেবাখনো ৰে’লৰ যাত্ৰাপথ সলনি কৰাৰ লগতে কেবাখনো ৰে’ল বাতিল কৰা হৈছে ৷

লগতে পঢ়ক : মৃত ঘোষণা কৰা ৰে’লৰ সহকাৰী চালকক হাস্পতালৰ বিচনাত আৱিস্কাৰ - KANCHENJUNGHA EXPRESS ACCIDENT