بھارت کےتین وکٹوں کے نقصان پر 240 رنوں کے جواب میں ویسٹ انڈیز کی پوری ٹیم مقررہ 20 اوورز میں آٹھ وکٹوں کے نقصان پر 178 رن بنا سکی۔ بھارتی ٹیم نے 67 رنوں سے جیت حاصل کرتے ہوئے تین میچوں کی سیریر پر 1۔2 سے قبضہ کرلیا
ویسٹ انڈیز کی جانب سے کپتان کیرن پولارڈ(68رن)،شیمرن ہیتمئیر(41رن) بناکر نمایاں اسکورر رہے۔ اس کے علاوہ ویسٹ انڈیز کے دیگر بلے باز خاطر خواہ رن بنانے میں ناکام رہے۔
بھارت کی جانب سےدیپک چاہر،بھونیشور کمار،محمدسمیع اور کلدیپ یادو نے دودووکٹ حاصل کیے۔
اس سے قبل کے ایل راہل کی(91 رنوں کی اننگز) اور کپتان وراٹ کوہلی اور روہت شرما کی نصف سنچریوں کی بد ولت بھارت نے ویسٹ انڈیز کے خلاف تیسرے اور فیصلہ کن ٹی۔20 انٹرنیشنل میچ میں مقررہ 20 اوورز میں تین وکٹوں کے نقصان پر 240رن بنائے۔
ممبئی کے وانکھڑے اسٹیڈیم میں کھیلے جارہے تیسرے اور فیصلہ کن ٹی۔20 انٹرنیشنل میچ میں ویسٹ انڈیز کی دعوت پر پہلے بیٹنگ کرنے اتری بھارتی ٹیم نے جم کر رن بنائی۔
اوپنر کے ایل راہل اور روہت شرما نے جارحانہ انداز میں کھیل کامظاہرہ کرتے ہوئے پہلے وکٹ کےلیے محض 11.4اوورز میں 135 رنوں کی شاندار شراکت داری کی ۔