بنگلورو: رائل چیلنجرز بنگلور نے پیر کو اعلان کیا کہ ہندوستان کے سابق وکٹ کیپر دنیش کارتک ٹیم کے نئے بیٹنگ کوچ اور منٹور کے طور پر فرنچائز میں شامل ہو گئے ہیں۔ کارتک پہلی بار 2015 اور 2016 میں آر سی بی کے لیے کھیلے تھے۔ انہوں نے بنگلورو میں مقیم فرنچائز کے ساتھ دو الگ الگ سیزن گزارے۔ان میں سے سب سے حالیہ 2022-2024 کا تھا۔ انہوں نے 2024 کے سیزن میں 15 میچوں میں 187.36 کے اسٹرائیک ریٹ سے کل 326 رنز بنائے۔
DINESH KARTHIK - THE BATTING COACH OF RCB...!!!!! ⭐
— Tanuj Singh (@ImTanujSingh) July 1, 2024
- What a great Move by RCB management. He continues to be connected with the RCB family as the batting coach. pic.twitter.com/UUJ6wdY2Oj
آر سی بی کے بیٹنگ کوچ اور مینٹور کے طور پر اپنی تقرری پر کارتک نے کہاکہ پیشہ ورانہ سطح پر کوچنگ میرے لیے ناقابل یقین حد تک دلچسپ ہے۔ یہ وہ چیز ہے جس کے بارے میں میں اپنی زندگی کے ایک نئے باب کے آغاز کے طور پر پرجوش ہوں۔ امید ہے کہ ایک کھلاڑی کے طور پر میرے وسیع تجربات کی بنیاد پر ٹیم کی کامیابی میں تعاون کر سکتاہوں۔
انہوں نے کہاکہ میرا خیال ہے کہ کرکٹ میں کامیابی کا انحصار صرف تکنیکی مہارت پر نہیں بلکہ میچ میں عمدہ کارکردگی کے مظاہرے پر بھی ہے۔ میں اپنے بیٹنگ گروپ کی کوچنگ اور رہنمائی کا منتظر ہوں تاکہ نہ صرف ان کے نقطہ نظر کو بہتر بنایا جا سکے بلکہ دباؤ میں بہتر کارکردگی کا مظاہرہ کرنے کے لیے میچ کے بارے میں آگاہی بھی پیدا کی جا سکے۔
