بریلی کے ہوٹل میں لڑکی کا گلا کاٹ کر قتل، ملزم فرار

بریلی:اترپردیش کے بریلی کے کوتوالی علاقے میں روڈ ویز بس اسٹینڈ کے قریب ہوٹل میں ایک لڑکی کا گلا کاٹ کر قتل کردیا گیا۔ ایس پی سٹی راہل بھاٹی نے بتایا کہ قتل کے بعد ملزمان موقع سے فرار ہوگئے۔ یہ واقعہ اس وقت سامنے آیا جب کمرے سے بدبو آئی۔ جس کے بعد ہوٹل کے عملے نے اس معاملے کی اطلاع پولیس کو دی۔ پولیس نے موقع پر پہنچ کر لڑکی کی لاش کو پوسٹ مارٹم کے لیے بھیج دیا۔ پولیس ملزم نوجوان کے بارے میں سراغ تلاش کر رہی ہے۔ لڑکی کی تاحال شناخت نہیں ہوسکی ہے۔