اترپردیش کے 61 خادم الحجاج کا انتخاب قرعہ اندازی کے ذریعے کیا گیا

Khadim-ul-Hujjaj selected by draw اترپردیش میں وزیراقلیتی بہبود دانش آزاد انصاری نے کہاکہ ریاستی حکومت کا مقصد یہ ہے کہ حج کے دوران عازمین حج کو کسی بھی سطح پر کسی قسم کی دشواری کا سامنا نہ کرنا پڑے اور انہیں بہترین سہولیات فراہم کی جائیں۔

لکھنؤ: ریاست سے جانے والے عازمین حج کی مدد اور رہنمائی کے لیے اتر پردیش حکومت کی جانب سے بھیجے گئے خادم الحجاج کو آج اتر پردیش کے وزیر مملکت برائے اقلیتی بہبود، مسلم وقف اور حج دانش آزاد انصاری اور چیئرمین ریاستی حج کمیٹی محسن رضا کی موجودگی میں مولانا علی میاں میموریل حج ہاؤس سروجنی نگر میں منعقدہ ایک پروگرام میں قرعہ اندازی کے عمل کے تحت 61 خادم الحجاج کا انتخاب کیا گیا۔ باقی فہرست میں سے 06 درخواست دہندگان کو 10 فیصد کی بنیاد پر ویٹنگ لسٹ کے لیے منتخب کیا گیا۔ اس موقع پر اتر پردیش ریاستی حج کمیٹی کے ارکان بھی موجود تھے۔

وزیراقلیتی بہبود دانش آزاد انصاری نے اس موقع پر کہا کہ ریاستی حکومت کا مقصد یہ ہے کہ حج کے دوران عازمین حج کو کسی بھی سطح پر کسی قسم کی دشواری کا سامنا نہ کرنا پڑے اور انہیں بہترین سہولیات فراہم کی جائیں۔ انہوں نے کہا کہ خادم الحجاج کا انتخاب ایک شفاف عمل کے تحت قرعہ اندازی کے ذریعے کیا گیا ہے۔ تمام منتخب خواتین اور مرد درخواست گزاروں کو مبارکباد دیتے ہوئے جناب انصاری نے ہدایت دی کہ منتخب خادم الحجاج اس ریاست سے حج کے دوران جانے والے عازمین حج کو ہر ممکن مدد فراہم کرنے میں مکمل تعاون کریں گے۔

اس موقع پر اتر پردیش اسٹیٹ حج کمیٹی کے چیئرمین محسن رضا نے کہا کہ منتخب خادم الحجاج کو یہ مقدس موقع ملا ہے کہ وہ عازمین حج کے تئیں اپنی تمام ذمہ داریاں پوری کریں۔ انہوں نے منصفانہ اور شفاف طریقے سے حج ملازمین کے انتخاب پر شکریہ ادا کیا۔ انہوں نے کہا کہ ریاست سے جانے والے کسی بھی عازمین حج کو سفر کے دوران کسی قسم کی پریشانی کا سامنا نہ کرنا پڑے۔ اسی مقصد کے لیے حکومت کی جانب سے خادم الحجاج کو منتخب کر کے ڈیوٹی پر تعینات کیا گیا ہے۔

قابل ذکر ہے کہ خادم الحجاج کے لیے کل 273 درخواست گزاروں نے مقررہ وقت کے اندر آن لائن درخواستیں دی تھیں جن کی دفتری سطح پر جانچ پڑتال کی گئی۔ 160 درخواست دہندگان اہل پائے گئے جن میں 150 مرد اور 10 خواتین تھیں۔ خادم الحجاج حج 2023 کے لیے مقررہ وقت میں ضروری فارم آن لائن اپ لوڈ نہ کرنے، حج/عمرہ کے ثبوت کی عدم موجودگی، پاسپورٹ کی عدم تصدیق کی وجہ سے ایسی درخواستیں نااہل قرار دی گئیں۔ حج کمیٹی آف انڈیا کی ہدایات کے مطابق ہر 300 عازمین حج کے لیے 01 خادم الحجاج کو بھیجا جانا ہے۔ اس سال اتر پردیش سے کل 19702 عازمین حج کی درخواست موصول ہوئیں، جن میں سے 1404 درخواستیں مختلف وجوہات کی بنا پر مسترد کر دی گئی ہیں۔ اس طرح 18298 عازمین حج کا انتخاب کیا گیا۔ اس طرح 61 خادم الحجاج کو ایک سے 300 درخواست گزاروں کے تناسب سے منتخب کیا گیا ہے۔

پروگرام کے بعد اترپردیش ریاستی حج کمیٹی کی میٹنگ کا انعقاد کیا گیا جس میں حج 2024 کی تیاریوں اور دیگر نکات پر تبادلہ خیال کیا گیا اور اترپردیش ریاستی حج کمیٹی کے چیئرمین محسن رضا کی صدارت میں تجاویز منظور کی گئیں۔