اجمیر میں حضرت سید خواجہ فخر الدین کا دو روزہ عرس مبارک

Annual Dada Sahab URS In Ajmer حضرت سید خواجہ فخر الدین گردے جی رحمت اللہ علیہ کا دو روزہ عرس مبارک کا اجمیر شریف میں اہتمام کیا گیا۔اس موقع پر چادر کے ساتھ جلوس نکالا گیا۔عرس مبارک میں کثیرتعداد میں زائرین نے شرکت کی۔

اجمیر:اجمیر شریف درگاہ کے خدامیں خواجہ کی جانب سے ان کے بزرگ دادا صاحب حضرت سید خواجہ فخر الدین گردیجی رحمت اللہ علیہ کا دو روزہ عرس کا انعقاد کیا گیا۔ انجمن سید زادگان معینیہ فکریہ چشتیہ کے ممبر اور عرس کنوینر حاجی سید عمران چشتی کے مطابق ان کے دادا صاحب حضرت خواجہ فخر الدین گردیجی کا سالانہ عرس کے موقع پر سید شمیم چاچا نیازی کے یہاں سے چادر کا جلوس عصر کی نماز کے بعد شروع ہوا۔

صوفیانہ قوالیوں کے درمیان خدامیں خواجہ بے حد عقیدت اور احترام سے چادر کو اپنے سر پر رکھ کر نظام گیٹ - بلند دروازہ - مسجد صندل خانہ ہوتے ہوئے بیگمی دالان پہنچے جہاں خصوصی دعا کا اہتمام کیاگیا۔نیاز و نظر پیش کی گئی۔ عقیدت کی چادر استانہ شریف کے توشی خانے کے پاس دادا صاحب کے مزار مبارک پر پیش کی گئی۔

سید ندیم چشتی کے مطابق درگاہ شریف کے احاطہ نور میں عرس کی محفل ہوئی ۔جمعرات کو کل کی فاتحہ کے ساتھ عرس اختتام پذیر ہوا۔ اسی طرح دادا صاحب کی نیاز کا بڑا لنگر بھی انجمن سید زادگان کی جانب سے کیا گیا, جس میں کثیر تعداد میں عقیدت مندوں نے شرکت کی اور تبرک نوش فرمایا