جامعہ انوارالعلوم موضع بہاری میں دو روزہ سالانہ اجلاس اختتام پزیر

Religious Conference Conclude مظفرنگر کے موضع بہاری میں واقع جامعہ اسلامیہ انوار العلوم میں دو روزہ سالانہ اجلاس اختتام پذیر ہوا۔اس موقع پر علمائے کرام نے ملک کی موجودہ صورتحال پر روشنی ڈالی۔انہوں نے مسلمانوں سے قرآن کی باتوں پر سختی سے عمل کرنے پر زور دیا۔

مظفرنگر:ریاست اتر پردیش کے ضلع مظفر نگر میں جامعہ اسلامیہ انوار العلوم موضع بہاری کا دو روزہ سالانہ اجلاس اختتام پزیر ہوگیا۔ اجلاس کی صدارت مفتی محمد عفان منصور پوری نے کی۔نظامت کے فرائض قاری سہیل اختر رحیمی و قاری آس محمد نے مشترکہ طور پرانجام دیے۔اس موقع پر چھ حفاظ کرام کی دستاربندی کی گئی۔

مفتی محمد عفان منصورپوری نے کہا کہ مدارس اسلامیہ اور مکاتب دینیہ سے تمام مسلمانوں کو حقیقی وابستگی کرنی چاہیے۔ اس لئے کہ مدارس سے ہمارے ایمان محفوظ ہیں۔ جب تک ہمارا تعلق مدارس اسلامیہ سے ہوگا ہم کامیاب اور کامران ہوں گے ۔جس دن ہمارا تعلق مدارس اسلامیہ سے ختم ہو جائے گا اس وقت ہم بڑے خسارے میں چلے جائیں گے۔

جامعہ انوارالعلوم موضع بہاری میں دو روزہ سالانہ اجلاس اختتام پزیر

مفتی بنیامین قاسمی صدر جمعیت علماء ضلع مظفرنگر اور مولانا نذر محمد قاسمی نے قرآن مجید کی فضیلت بیان کرتے ہوئے کہا کہ بڑے ہی خوش نصیب ہیں وہ والدین جو اپنے بچوں کو قرآن مجید کی تعلیم سے سرفراز کرتے ہیں۔اپنے اہل و عیال کی زندگی کو سنوارتے ہیں۔ اللہ ان کو دنیا و آخرت بڑے انعامات سے سرفراز فرمائے گا۔

مولانا سالم ندوی نے تعلیم کی اہمیت پر زور دیتے ہوئے کہا کہ تعلیم کے بغیر کوئی چارہ نہیں ہے تعلیم انسان کو انسان بناتی ہے اور تعلیم انسان کو اندھیرے سے نکال کر روشنی میں لاتی ہے۔مفتی فضیل استاذ مدرسہ خادم الاسلام ہاپوڈ نے حالات حاضرہ پر گفتگو کرتے ہوئے کہا کہ حالات چاہے جیسے بھی ہو اللہ کی مدد سے مایوس نہیں ہونا چاہیے۔

شرکاء میں حافظ عمر فاروق،محمد آصف قریشی بڈھانوی، مولانا شعیب عالم، قاری عبدالرحمن، صوفی انوار،مفتی محمد یامین قاسمی،مولانا حاتم، قاری محفوظ الرحمن، قاری عمران، مولانا معتصم،حافظ محمد اعجاز،مولانا شکیل، مفتی عثمان، مفتی محمد آصف، قاری محمد وسیم، مولانا ذوالفقار، قاری عمر اشرفی،قاری عمیر ماسٹر آزاد،ماسٹر الطاف،قاری راشد،ماسٹر اعظم وغیرہ کے نام قابل ذکر ہیں۔