حیدرآباد: سعودی عرب کے شہر جدہ میں اتوار کو آئی پی ایل میگا نیلامی میں 84 کھلاڑی نیلام ہوئے۔ 10 ٹیموں نے 72 کھلاڑی خریدے اور ان پر 467.95 کروڑ روپے خرچ کئے۔ اب نیلامی کے دوسرے دن پیر کو سہ پہر 3:30 بجے شروع ہوگا۔ 493 کھلاڑیوں کی بولی لگائی جائے گی۔ جس میں 132 کھلاڑی خریدے جائیں گے۔ 10 فرنچائزز کے پاس 174 کروڑ روپے کی رقم باقی ہے۔
نیلامی کا دوسرا دن آج
آج نیلامی کے دوسرے یعنی آخری روز 132 کھلاڑی فروخت کیے جائیں گے۔ ان کو خریدنے کے لیے تمام 10 ٹیموں کے پرس میں کل 173.55 کروڑ روپے باقی ہیں۔ دوسرے دن فاف ڈو پلیسس، گلین فلپس، سیم کرن، کین ولیمسن، کرونل پانڈیا، واشنگٹن سندر، شاردول ٹھاکر، دیپک چاہر، لوکی فرگوسن، ٹم ڈیوڈ، ول جیکس، نوین الحق، اسٹیو اسمتھ، نتیش جیسے بڑے کھلاڑی نیلامی میں اتریں گے۔
سب سے بڑی بولی رشبھ پنت پر
پہلے دن سب سے بڑی بولی رشبھ پنت پر لگی۔ انہیں لکھنؤ سپر جائنٹس (ایل ایس جی) نے 27 کروڑ روپے میں خریدا۔ پنت آئی پی ایل کی تاریخ کے سب سے مہنگے کھلاڑی بن گئے ہیں۔ دوسرے نمبر پر شریاس آئر آئے ہیں جنہیں پنجاب کنگز نے 26.75 کروڑ روپے میں خریدا۔
وینکٹیش ائیر تیسرے سب سے مہنگے ہندوستانی بن گئے ہیں۔ کولکاتہ نے انہیں 23.75 کروڑ میں خریدا۔ یوزویندر چہل آئی پی ایل کی تاریخ کے سب سے مہنگے اسپنر ہیں۔ یوزویندر کو پنجاب کنگز نے 18 کروڑ روپے میں خریدا۔
سب سے مہنگے غیر ملکی کھلاڑی بٹلر
انگلینڈ کے بلے باز جوس بٹلر کو گجرات ٹائٹنز نے 15.75 کروڑ روپے میں خریدا۔ ان کی بنیادی قیمت 2 کروڑ روپے تھی۔ بٹلر اس سیزن میں فروخت ہونے والے سب سے مہنگے غیر ملکی کھلاڑی بن گئے ہیں۔ انگلینڈ کے سفید گیند کے کپتان جوس نے گزشتہ سیزن راجستھان رائلز کے لیے کھیلا تھا۔ انہوں نے 2024 میں 11 میچوں میں 359 رنز بنائے جس میں 2 سنچریاں شامل تھیں۔
