مدرسے عتبان ابن مالک کے دو نابینا حفاظ قرآن بنے

Two Blind Hafiz Quran اورنگ آباد میں واقع مدرسہ عتبان ابن مالک سے مکمل قرآن کریم حفظ کرنے والے حفاظ کرام کی دستار بندی کے لیے ایک تقریب ادارے فیض عالمگیر میں رکھی گئی۔اس تقریب میں خاص بات یہ رہی کہ مدرسے میں تعلیم حاصل کرنے والے دو حقیقی نابینا بھائیوں نے محض 15 مہینوں میں قرآن شریف حفظ مکمل کیا۔

اورنگ آباد:ریاست مہاراشٹر کے اورنگ آباد میں واقع ادارہ فیض عالمگیر کی جانب سے مدرسہ عتبان ابن مالک قائم کیا گیا جہاں چکے ذریعے قرآن کریم حفظ کروایا جاتا ہے۔اس مدرسے سے حفظ کرنے والے نابینا طالب علموں حافظ شیخ عمران اور حافظ شیخ کامران نے صبح بعد فجر سے بعد مغرب تک ایک نشست میں مکمل قرآن کریم سنایا۔

ان دونوں ہی ہونیار حفاظ اکرام نے 15 مہینے میں مکمل قرآن کریم حفظ کیا ہے۔ اسی طرح فیض عالمگیر ادارے کا ایک اور طالب علم سید عبداللہ بیابانی نے بھی اپنی عصری تعلیم جاری رکھتے ہوئے 18 ماہ میں مکمل قرآن کریم حفظ کیا۔ ان تینوں حفاظ اکرام کی مہمان خصوصی مولانا عبدالقدیر مدنی کی موجودگی میں دستار بندی کی گئی۔مہمانوں نے انہیں انعامات اور دعاؤں سے نوازا ۔

اس موقع پر قرآن و احادیث کی روشنی میں مولانا عبدالقدیر مدنی نے حاضری ان کی رہنمائی کی۔ خوشی کا اظہار کیا کہ مدرسہ عتبان ابن مالک میں دو نابینہ بچوں کو حافظ قرآن بنتے انہوں نے دیکھا ہے۔ انہوں نے ان بچوں کو قران کریم حفظ کرنے میں تعاون کرنے والے استادوں اور ان کے والدین کو مبارکباد پیش کی ۔اس بابرکت محفل کو کامیاب بنانے میں کئی لوگوں کا اہم کردار رہا۔ فیض عالمگیر اداره مکاتب دینیات و مدرسه عتبان بن مالک رضی اللہ عنہ کے اغراض و مقاصد پر مختصر مگر پر اثر گفتگو کی۔