آسنسول لوک سبھا سیٹ سے شترو گھن کامیاب - LOK SABHA ELECTION RESULT 2024

بردوان ضلع کے مسلم اکثریتی پارلیمانی حلقہ سےترنمول کانگریس کے امیدوار اور بالی ووڈ کے مشہور ترین ادار کار شترو گھن سنہا بی جے پی کے امیدوار سریندرجیت سنگھ اہلووالیہ کو 59564 ووٹوں سے شکست دے دی۔ اس سے قبل شترو گھن سنہا نے اسی حلقے سے ضمنی میں جیت درج کی تھی۔

آسنسول:مغربی بنگال میں حکمراں جماعت ترنمول کانگریس تاریخی جیت کی جانب گامزن ہے۔ بنگال کے عوام نے ایک بار پھر ٹی ایم سی کی سربراہ ممتابنرجی کی کھل کر حمایت کی ہے۔ آسنسول پارلیمانی حلقہ سے مشہور اداکار اور ترنمول کانگریس کے امیدوار شترو گھن نے بی جے پی کے امیدوار ایس ایس واہلوالیہ کو شکست دے دی۔

آسنسول لوک سبھا سیٹ :شترو گھن بڑی جیت کی جانب گامزن (etv bharat)

الیکشن کمیشن کے مطابق ترنمول کانگریس کے امیدوار شترو گھن سنہا کو 605645 ووٹز ملے ہیں۔ بی جے پی کے امیدوارسریندر جیت سنگھ اہلووالیہ (546081) ووٹوں کے ساتھ دوسری پوزیشن پر رہے۔ اس کے علاوہ سی پی آئی کے امیدوار جہاں آرا خان کو 105423 ووٹ ملے اور وہ تیسری پوزیشن پر رہیں۔آسنسول میں ترنمول کانگریس کی جیت کے بعد ٹی ایم سی کے حامیوں نے کاونٹنگ مرکز کے باہر جشن منانے کا سلسلہ شروع کر دیا۔

دوسری طرف جنوبی 24 پرگنہ کے ڈائمنڈ ہاربر پارلیمانی حلقہ سے ترنمول کانگریس کے امیدوار ابھیشیک بنرجی کو 1042793 ووٹ ملے ہیں اور انہیں بی جے پی کے امیدوار پر 707360 کی برتری حاصل ہے۔

اس مرتبہ مغربی بنگال کی حکمراں جماعت ترنمول کانگریس 29 سیٹوں پر آگے چل رہی ہے۔ بی جے پی کو زبردست خسارہ کا سامنا ہے۔اس وقت بی جے پی 12 سیٹوں پر آگے چل رہی ہے۔کانگریس ایک سیٹ پر آگے ہے جبکہ سی پی آئی ایم کا لوک سبھا انتخابات میں کھاتہ کھولنا باقی ہے۔