احمد آباداسکول آف ایجوکیشن کیمپس میں مختلف موضوعات پرسائنس پروجیکٹ نمائش کا انعقاد

Science Project Exhibition At Ahmedabad احمدآباد کے سسرکھیج میں واقع اسکول آف ایجوکیشن کیمس میں طلبا و طالبات کی جانب سے مختلف موضوعات پر پروجیکٹ نمائش کا اہتمام کیا گیا۔گجراتی اور انگلیش میڈیم اسکولوں کے طلبا و طالبات کے بنائے گئے پروجیکٹوں کو لوگوں نے خوب پسند کیا۔

احمدآباد:اس سلسلے میں احمد آباد اسکول آف ایجوکیشن کیمپس کے بانی شاہنواز شیخ نے بتایا کہ آج ہم لوگوں نے طلباو طالبات کے ذریعہ بنائے گئے مختلف پروجیکٹوں کی نمائش کا اہتمام کیا۔اس نمائش میں طلبا و طالبات نے اپنی غیر معمولی صلاحیت کا مظاہرہ کرتے ہوئے نمائش کو کامیاب بنانے میں اہم رول ادا کیا۔

انہوں نے طلبا و طالبات نے ائیر پورٹ سے لے کر عوامی تفریح گاہ۔جنگلات سے متعلق پروجیکٹ کی نمائش کی ۔اس کے علاوہ مسجد ،مدینۃ المنورہ سے لے کر مکہ المکرمہ کعبۃ اللہ کے پروجیکٹ کو نمائش کے لئے لوگوں پیش کئے گئے۔طلبا و طالبات میں پروجیکٹ کی نمائش کو لے کر زبردست جوش و خروش پایا گیا۔

ان کا کہنا ہے کہ ہماری کوشش ہے کہ اس ادارے میں زیر تعلیم بچوں کی ذہن سازی میں کسی طرح کی کوئی کسر نا چھوڑی جائے ۔ہمیں یقین ہے کہ یہ بچے مستقبل میں ملک و ملت کا نام روشن کریں گے۔کوئی سائنسدان بنے گا تو کوئی آئی پی ایس اور کوئی اے آئی ایس بن کر نکلے گا۔

اسکول انتظامیہ کی جانب سے مکتم پورہ سے ایم آئی ایم کی زینب شیخ کا شاندار استقبال کیا گیا۔زینب شیخ نے بھی اس نمائش کی تعریف کرتے ہوئے بچوں کی حوصلہ افزائی کی۔