Published : Jun 27, 2024, 5:41 PM IST
ممبئی:ریاست مہاراشٹر کے ممبئی میں واقع مخدوم ماہمی فلائی اوور یعنی جے جے فلائی اوور پر آج صبح ساڑھے چھ بجے انجمن اسلام الانا انگلش اسکول کے طلباو طالبات کو لے جارہی بس حادثے کا شکار ہوگئی ۔اسی دوران بس جے جے فلائی اوور کے کنارے کی لوہے کی دیوار سے ٹکرا گئی۔ حادثے کے وقت بس میں 20 اسکولی بچے سوار تھے۔ حادثے کے سبب فلائی اوور میں گاڑیوں کی آمدورفت متاثر ہوگئی۔
ایک بچہ شدید زخمی ہوا ہے اس کا علاج جاری ہے پایدھونی پولیس تھانے کے سینیئر پی آئی دیشمکھ نے بتایا کہ حادثہ اس وقت پیش آیا جب ملزم ڈرائیور نے دوسری گاڑی کو اوور ٹیک کرنے کی کوشش کی اور کنٹرول کھو دیا۔ہم نے ڈرائیور لالو کمار راجبھر کو (24 برس) کو گرفتار کیا ہے۔ وہیں زخمی بچے عرفان جسکی عمر 12 برس ہے اُسے جے جے اسپتال میں داخل کرایا گیا ہے اسکا علاج جاری ہے۔
یہ بھی پڑھیں:ممبئی: گھاٹ کوپر ہورڈنگ حادثہ معاملے میں آئی پی ایس قیصر خالد کو معطل کیا گیا
بس میں سفر کرنے والے بچوں کو بچانے کے لیے ایک BEST گاڑی موقع پر پہنچی، جیسا کہ حادثے کے بعد جاری کی گئی ویڈیو میں دکھایا گیا ہے۔ جے جے فلائی اوور پر حادثے کے بعد بس کو دکھایا گیا ویڈیو قریبی عمارت میں رہنے والے کسی شخص نے شوٹ کیا تھا۔
