کالج آف نرسنگ میں لیمپ لائٹنگ اور حلف برداری کی تقریب علی گڑھ:علی گڑھ مسلم یونیورسٹی (اے ایم یو) کے کالج آف نرسنگ نے جواہر لال نہرو میڈیکل کے آڈیٹوریم میں انڈر گریجویشن(بی ایس سی) نرسنگ کے طلباء کے لیے لیمپ لائٹنگ اور حلف برداری کی خصوصی تقریب کا اہتمام کیا جس میں معزز مہمانوں نے شمع روشن کرکے تقریب کا آغاز کیا۔
پروفیسر فرح اعظمی، پرنسپل، کالج آف نرسنگ، اے ایم یو نے خیر مقدمی کلمات ادا کرتے ہوئے مہمان خصوصی، ڈاکٹر آلوک کمار، سکریٹری /رجسٹرار، یو پی ایس ایم ایف، لکھنؤ اور دیگر معزز مہمانوں بشمول شلبھ ماتھر، آئی جی، علی گڑھ رینج، محمد عمران آئی پی ایس، رجسٹرار، اے ایم یو، اور پروفیسر ڈاکٹر وینا مہیشوری، ڈین، فیکلٹی آف میڈیسن، پرنسپل اور سی ایم ایس، جے این ایم سی، اے ایم یو کا تعارف کرایا۔
پروفیسر اعظمی نے سالانہ رپورٹ پیش کی، جس میں کالج آف نرسنگ کی کامیابیوں پر روشنی ڈالی گئی۔ اس کے بعد فلورنس نائٹنگیل کا حلف طلباء کو دلایا گیا، جس میں ان پر زور دیا گیا کہ وہ اپنے پیشے کو ایمانداری اور اعتماد کے ساتھ انجام دیں۔
تقریب کی اہمیت پر روشنی ڈالتے ہوئے انہوں نے مزید کہا کہ شمع روشن کرنے کا عمل، علم کی ترسیل اور ذمہ داری سپرد کرنے کی نمائندگی کرتا ہے۔ معاشرے کی تبدیلی کی وجہ سے پیدا ہونے والے مستقبل میں صحت کی دیکھ بھال کے چیلنجوں سے نمٹنے کے لیے نرسنگ کے پیشہ ور افراد کو بااختیار بنانا اور ان سے لیس کرنا۔
پروفیسر اعظمی نے گریجویشن نرسنگ کے ساتھ پوسٹ گریجویشن نرسنگ بھی جلد شروع ہونے کی بھی امید ظاہر کی۔ڈاکٹر آلوک کمار نے ہیلتھ کیئر کارکنوں کی مانگ کا ذکر کرتے ہوئے طلباء کی حوصلہ افزائی کی کہ وہ اپنی نرسنگ پریکٹس میں مثبت ذہن اور جوش و جذبے سے کام لیں۔
مہمان خصوصی شلبھ ماتھر نے نرسنگ میں دیکھ بھال کے جوہر پر زور دیتے ہوئے طلباء کی حوصلہ افزائی کی۔ جناب محمد عمران آئی پی ایس نے نرسنگ میں عزم و حوصلہ اور فرض کی اہمیت پر زور دیا، جبکہ پروفیسر ڈاکٹر وینا مہیشوری نے پیشے میں ہمدردی کی اہمیت کو واضح کیا۔
یہ بھی پڑھیں:اے ایم یو میں موٹے اناج کی افادیت پر بین الاقوامی کانفرنس کا انعقاد
اے ایم یو کے کالج آف نرسنگ میں چار سال کا گریجویشن (بی ایس سی) نرسنگ کروایا جاتا ہے۔ جس کی کل 60 سیٹیں ہیں داخلے کے لیے داخلہ امتحان کوالیفائی کرنا لازمی ہے۔ بی ایس سی نرسنگ میں داخلے کے لئے بارویں جماعت سائنس اسٹریم میں بچاس فیصد نمبر ہونا لازمی ہے۔
