دموہ کا 'مساج بینک' سرخیوں میں، جہاں پیسے کے لین دین کے لیے تیل مالش کرنی پڑتی ہے! - Damoh Bank Manager oil Massage

دموہ ضلع کے پتھریا کوآپریٹیو بینک کے منیجر کا ایک ویڈیو وائرل ہو رہا ہے جس میں منیجر ایک بوڑھے شخص سے مالش کرواتا نظر آ رہا ہے۔

دموہ: مدھیہ پردیش کے دموہ ضلع سے ایک حیران کن معاملہ سامنے آیا ہے جہاں کام کے لیے بینک پہنچا ایک شخص برانچ منیجر کے پاؤں کی مالش کرتا نظر آیا۔ اس دوران کسی نے ویڈیو بنا لیا جو اب سوشل میڈیا پر وائرل ہو رہا ہے۔ یہ معاملہ پتھریا علاقے میں ایک کوآپریٹو بینک سے متعلق ہے۔ بینک کے جنرل منیجر نے کہا کہ جانچ کے بعد کارروائی کی جائے گی۔

• منیجر نے کرسی پر بیٹھ کر صارف سے مساج کروایا

یہ حیران کن معاملہ پتھریا کے ایک کوآپریٹو بینک کا ہے جہاں بینک مینیجر ایک شخص اپنے ہاتھ پیر دبواتا نظر آ رہا ہے۔ اس دوران کسی نے اس کا ویڈیو بنا لیا۔ جو اب سوشل میڈیا پر وائرل ہو رہا ہے۔ بتایا جاتا ہے کہ ایک بوڑھا شخص دوپہر کے کھانے کے وقت اپنے کام کے لیے بینک گیا تھا۔ پھر بینک والوں نے یہ کہہ کر اس کا کام نہیں کیا کہ لنچ ہو رہا ہے۔

• اپنے کام کے لیے آیا تھا بوڑھا شخص

اس کے بعد وہ شخص بینک منیجر راکیش جین کے پاس پہنچا جو اس وقت کرسی پر آرام کر رہے تھے۔ اس کے بعد کام کے بدلے میں بینک منیجر نے تمام اصول و ضوابط کو درکنار کرتے ہوئے اس بوڑھے کو پاؤں دبانے کو کہا۔ تقریباً 60 سال کے ایک عمر رسیدہ شخص سے کافی دیر تک وہ اپنے پاؤں دبواتا اور مالش کرواتا رہا۔ کافی دیر بعد بینک منیجر نے بوڑھے کو مساج کرنے سے روکا۔ پھر اس بوڑھے شخص نے راکیش جین کے سامنے ہاتھ جوڑنا شروع کر دیا۔ بوڑھے نے بتایا کہ ’’وہ اپنے کام کے سلسلے میں سیوا سہکاری بنک گیا تھا، لیکن جب بھی وہ وہاں جاتا ہے، ایک کاونٹر سے دوسرے کاؤنٹر پر دوڑایا جاتا ہے‘‘۔ اس لیے وہ سیدھا منیجر کے پاس گیا اور جہاں صاحب نے اس سے پاؤں دبانے کو کہا۔

• جانچ کے بعد کارروائی کی یقین دہانی

درحقیقت، کسانوں کے لین دین کے لیے قصبوں میں ایک کمیٹی بنائی گئی ہے، جہاں کسان اپنی بچت رکھتے ہیں اور ضرورت پڑنے پر قرض لیتے ہیں اور کھیتی باڑی کر کے روزی کماتے ہیں۔ یہ کمیٹیاں بڑے شہروں میں ایک شاخ سے منسلک ہوتی ہیں۔ ایسی ہی ایک شاخ پتھریا کے جھنڈا چوک پر کھلی ہے۔ جہاں یہ ویڈیو منظر عام پر آیا ہے۔ اس سلسلے میں بینک منیجر راجیش جین نے بتایا کہ میں تھک گیا تھا اور میری ٹانگوں میں درد ہو رہا تھا۔ اس لیے پیر کی مالش کروا رہا تھا۔‘‘ اس معاملے کے بارے میں بینک کے جنرل منیجر انوپم کھرے نے کہا کہ ’’یہ معاملہ ان کی نوٹس میں آیا ہے۔ انکوائری کرکے کارروائی کی جائے گی۔''