شیوراج چوہان نے ممتابنرجی حکومت پرتنقید کی - Shivraj Singh Chouhan in Dantan

مشرقی مدنی پور ضلع کے داتون میں عوامی جلسے کو خطاب کرتے ہوئے مدھیہ پردیش کے سابق وزیراعلیٰ شیو راج چوہان نے مغربی بنگال میں ممتابنرجی کی قیادت والی حکومت پرتنقید کی۔ انہوں نے کہاکہ ٹی ایم سی کی وجہ سے بنگال کی ترقی رک گئی ہے۔

کولکاتا:ملک کی دوسری ریاستوں کی مغربی بنگال میں لوک سبھا انتخابات2024 کے پانچویں مرحلے ہونے والی پولنگ کے لئے تمام سیاسی جماعتوں کی تیاریاں زور شور سے جاری ہے۔ ترنمول کانگریس، بی جے پی سمیت تمام سیاسی جماعتوں کے امیدواروں کی انتخابی مہم کا سلسلہ جاری ہے۔

اسی درمیان مدھیہ پردیش کے سابق وزیراعلیٰ شیو راج چوہان مغربی بنگال میں بی جے پی کی امیدوار اگنی مترا پال کی حمایت میں انتخابی مہم چلائی۔ داتون میں عوامی جلسے کو خطاب کرتے ہوئے شیوراج چوہان نے ترنمول کانگریس کی قیادت والی ریاستی حکومت پر جم کر بھڑاس نکالی۔

شیوراج سنگھ چوہان نے کہاکہ ممتا بنرجی کی حکومت ہر محاذ پر ناکام ہے۔بنگال میں مافیا راج اور اس ریاست کے بیشتر وزرا بدعنوانی میں مبتلا ہیں۔ریاست میں مختلف کیسز کی جانچ چل رہی ہے۔بنگال کی عوام کو ممتاکی حکومت سے نجات چاہئے۔

انہوں نے کہاکہ آج مغربی بنگال میں تبدیلی کی لہر آنے والی ہے۔ریاست میں ایک نیا انقلاب شروع ہونے والا ہے۔اس انقلاب میں ٹی ایم سی کی حکومت کا خاتمہ یقینی ہے۔آپ بنگال کی عوام کو زیادہ دنوں تک ڈرا کر رکھ نہیں سکتے ہیں۔

ان کا مزید کہنا تھا کہ پورے ملک میں وزیراعظم نریندر مودی کے ترقیاتی کاموں کی گونچ ہے وزیراعظم نریندر مودی مغربی بنگال کو سب سے ترقیاتی ریاست بنانا چاہتے ہیں اس کے لئے بنگال کے لوگوں کو بی جے پی کو جتانا ہوگا۔