کانپور: نذیر آباد علاقے میں ہولی کے موقع پر بدمعاشوں نے ایک خاتون ڈاکٹر کی کار روکی اور رنگ لگانے کے بہانے اس کے ساتھ چھیڑ چھاڑ کی۔ خاتون ڈاکٹر کے شوہر نے مخالفت کی تو اسے مارا پیٹا گیا۔ خاتون ڈاکٹر کی شکایت پر پولیس نے مقدمہ درج کر کے تفتیش شروع کر دی ہے۔
پولیس کے مطابق نواب گنج تھانہ علاقے کی رہنے والی ایک خاتون ڈاکٹر نے پولیس کو بتایا کہ 24 مارچ کی رات تقریباً 11 بجے وہ اپنے شوہر کے ساتھ کسی کام سے مریم پور چوراہے کی طرف کار میں جا رہی تھی۔ اس دوران حویلیاں ریسٹورنٹ سے کچھ فاصلے پر سڑک پر کچھ لوگ ناچ رہے تھے۔
خاتون ڈاکٹر کا الزام ہے کہ جب اس نے گاڑی کا ہارن بجایا اور لوگوں کو ایک طرف ہٹنے کو کہا تو ایک نوجوان نے فحش اشارے کئے۔ کار میں بیٹھے ڈاکٹر کے شوہر نے اس کے خلاف آواز دی تو بدمعاشوں نے بندوق دکھا کر زبردستی گاڑی کی کھڑکی کھول دی۔ اس کے بعد انہوں نے اسے رنگ لگانے کے بہانے چھیڑا۔
مزید پڑھیں:بنگلورو میں ڈی این اے کی بنیاد پر سی اے اے لانے کا مطالبہ - Protest Against CAA
غنڈوں نے گاڑی میں بیٹھے ڈاکٹر کے شوہر کو بھی زدوکوب کیا۔ نذیرآباد تھانے کے انچارج کوشلندر پرتاپ سنگھ نے بتایا کہ متاثرہ کی شکایت کی بنیاد پر پولیس نے کیس درج کرکے معاملے کی سنجیدگی سے تحقیقات شروع کردی ہے۔ آس پاس کی سی سی ٹی وی فوٹیج کی بھی جانچ کی جا رہی ہے۔ ملزمان کو جلد گرفتار کر لیا جائے گا۔
