پیرس اولمپکس میں بھی امریکہ اور چین کے درمیان سخت مقابلہ - Paris Olympics Medal Table

پیرس اولمپکس میں میڈل کے معاملے میں بھارت جہاں مسلسل نیچے پھسل رہا ہے۔ وہیں امریکہ اور چین یہاں پر بھی ایک دوسرے کو سخت مقابل دے رہے ہیں۔ کبھی امریکہ چین کو پچھاڑ رہا ہے تو کبھی چین امریکہ کو پچھاڑ رہا ہے۔

حیدرآباد:پیرس اولمپکس میں بھی امریکہ اور چین کے درمیان میڈل کے حصول کے لیے سخت مقابلہ جاری ہے۔ میڈل ٹیلی میں کبھی امریکہ نمر ون بن جاتا ہے تو کبھی چین پہلی پوزیشن پر قابض ہوجاتا ہے۔

گزشتہ رات ایتھلیٹکس میں دو گولڈ میڈل جیتنے کے بعد امریکہ نے چین کو پیچھے چھوڑ کر پیرس اولمپکس میڈل ٹیبل میں ٹاپ پوزیشن حاصل کی۔ اولمپکس گیمز کے نویں دن امریکہ 19 طلائی، 26 چاندی اور 26 کانسے کے تمغے کے ساتھ میڈل ٹیبل میں مجموعی طور پر 71 تمغوں کے ساتھ سرفہرست ہے۔

پیرس اولمپکس میں بھی امریکہ اور چین کے درمیان سخت مقابلہ (اولمپک ویب سائٹ)

جبکہ چین 19 طلائی، 15 چاندی اور 11 کانسے کے تمغوں کے ساتھ مجموعی طور پر 45 تمغوں کے ساتھ دوسرے نمبر پر چلا گیا ہے۔ اس سے پہلے چین گولڈ میڈل کے معاملے میں سرفہرست تھا۔ میزبان فرانس کی بات کریں تو وہ 12 طلائی، 14 چاندی اور 18 کانسے سمیت 44 تمغوں کے ساتھ تیسرے نمبر پر ہے۔

آسٹریلیا 31 تمغوں کے ساتھ چوتھے نمبر پر ہے۔جس میں سونے کے 12، چاندی کے 11 اور کانسے کے 8 تمغے شامل ہیں۔ برطانیہ 10 گولڈ، 12 سلور اور 15 برانز میڈل جیت کر کل 37 میڈلز کے ساتھ پانچویں نمبر پر ہے۔ جبکہ اس وقت تین کانسے کے تمغوں کے ساتھ 57ویں نمبر پر ہے۔

بھارت نے پیرس اولمپکس میں صرف 3 تمغے جیتے ہیں اور گزشتہ چار دنوں میں بھارت نے کوئی بھی تمغہ جیتنے میں کامیاب نہیں ہو سکا ہے۔ جس کی وجہ سے بھارت میڈل ٹیبل میں مسلسل نیچے کی طرف کھسک رہا ہے۔ بھارت نے اب تک جتنے تین تمغے جیتے ہیں وہ سب کانسی کے تمغے ہیں اور تینوں تمغے شوٹنگ میں آئے ہیں، اس لیے بھارت کا تمغوں کی تعداد کا سابقہ ​​ریکارڈ توڑنے کا خواب چکنا چور ہوتا نظر آ رہا ہے۔

میڈل ٹیلی میں بھارت اس وقت 57 ویں نمبر پر ہے۔ اس کے آس پاس کے ممالک جیسے قزاقستان، ازبکستان اور یہاں تک کہ یوگنڈا بھی اس فہرست میں بھارت سے اوپر ہیں۔ بھارت کو اپنی پوزیشن بہتر کرنے کے لیے نا صرف تمغوں کی تعداد میں اضافہ کرنا ہوگا بلکہ چاندی اور گولڈن کے تمغے بھی جیتنے ہیں۔