چنئی نے ٹاس جیتا، بنگلورو کو پہلے بیٹنگ کی دعوت - RCB Vs CSK Match

بنگلورو کے چنا سوامی اسٹیڈیم میں کھیلے جارہے آئی پی ایل کے 68 ویں میچ میں چنئی سپرکنگز نے ٹاس جیت کر رائل چیلنجرس بنگلورو کو پہلے بیٹنگ کرنے کی دعوت دی۔ پلے آف میں کوالیفائی کرنے کے لئے دونوں ٹیموں کو اس میچ میں جیت درج کرنی ہوگی۔

بنگلورو :آئی پی ایل 2024 کے 68 ویں میچ میں چنئی نے رائل چیلنجرز بنگلور کے خلاف ٹاس جیت کر پہلے گیند بازی کرنے کا فیصلہ کیا۔دنوں ٹیموں کے لئے آج کا میچ کرو یا مرو والا ہے۔ اس میچ کی فاتح ٹیم کو آئی پی ایل پلے آف میں کھیلنے کا موقع ملے گا۔

روان آئی پی ایل سیزن میں آر سی بی نے اب تک کل 13 میچ کھیلے ہیں۔ اس نے 6 میچ جیتے اور 7 میں اسے شکست کا سامنا کرنا پڑا۔ اس وقت آر سی بی کے 12 پوائنٹس ہیں اور وہ لیگ ٹیبل میں آٹھویں پوزیشن پر ہے جبکہ چنئی سپرکنگز 13 مچوں میں چھ شکست اور سات جیت کی بدولت 14 پوائنٹ کے ساتھ چوتھے مقام پر ہے۔

آر سی بی اور سی ایس کے کے درمیان اب تک 32 میچ کھیلے جا چکے ہیں۔چنئی سپر کنگز نے 21 میچ جیتے ہیں جبکہ رائل چیلنجرز بنگلور کو صرف 10 میچوں میں کامیابی ملی ہے ۔ان دونوں ٹیموں کے درمیان ایک میچ بھی بے نتیجہ رہا ہے۔

وراٹ کوہلی بنگلور کی طاقت بنے ہوئے ہیں۔ وہ اس سیزن میں بلے سے کافی رنز بنا رہے ہیں۔ انہوں نے ایک سنچری اور 5 نصف سنچریوں کی مدد سے 661 رنز بنائے ہیں۔ وہ آئی پی ایل 2024 میں سب سے زیادہ رنز بنانے والے بلے باز ہیں۔