کرکٹ آسٹریلیا کے سابق چیئرمین جیک کلارک چل بسے - Jack Clarke Passed Away

Jack Clarke Passed Away سابق کرکٹر اور کرکٹ آسٹریلیا (سی اے) کے سابق چیئرمین جیک کلارک کا انتقال ہو گیا۔ ان کی عمر 70 سال تھی۔کلارک نے پسماندگان میں بیوی اور دو بیٹیاں چھوڑی ہیں۔

ایڈیلیڈ:آسٹریلوی کرکٹ بورڈ کے مطابق کلارک کا انتقال ایڈیلیڈ میں ہوا۔ انہوں نے بتایا کہ کلارک نے 1999 سے 2011 تک آسٹریلوی کرکٹ بورڈ میں خدمات انجام دیں اور اپنے دور کے آخری تین سال سی اے کے چیئرمین رہے۔

بطور چیئرمین 2008 سے 2011 تک ان کے دور میں بگ بیش لیگ کا آغاز ہوا اور انہوں نے 2010-11 کی ہوم ایشز سیریز میں شکست کے بعد آسٹریلوی ٹیم کا جائزہ لیتے ہوئے سی اے کے اعلیٰ کارکردگی والے بازو کی تشکیل نو کی۔ 21 سال تک ساؤتھ آسٹریلین کرکٹ ایسوسی ایشن کے ڈائریکٹر کے طور پر بھی خدمات انجام دیں اورسال 2012 میں انہیں ایس اے سی اے کا اعزازی تاحیات ممبر بنایا گیا تھا۔

سی اے کے موجودہ چیئرمین مائیک بیرڈ نے کلارک کے انتقال پر اپنے تعزیت کا اظہار کرتے ہوئے کہا، "جیک کلارک نے کرکٹ آسٹریلیا اور ایس اے سی اے کے ساتھ اپنے اہم کرداروں میں آسٹریلیا، جنوبی آسٹریلیا اور بین الاقوامی کرکٹ میں شاندار خدمات انجام دیں اور کھیل کی دنیا میں سارے لوگ انہیں بہت پسند کرتے تھے۔

انہوں نے کہا کہ کرکٹ آسٹریلیا کی جانب سے میں جیک کی اہلیہ سو، ان کی بیٹیوں جارجی اور لوسی، ان کے خاندان اور دوستوں کے تئیں اپنی گہری تعزیت کا اظہار کرتاہوں۔ایس اے سی اے کے صدر ول رینر نے کہا کہ جیک کھیل کے حقیقی کرداروں میں سے ایک تھے۔ "ان کی ہنسی اور زندگی کے تئیں جوش وخروش ہمیں بہت یاد آئے گا۔

یواین آئی