ہیوسٹن:امریکہ کے کپتان مونانک پٹیل نے ٹاس جیت کر پہلے گیند بازی کا فیصلہ کیا۔ کینیڈا نے پہلے بیٹنگ کرتے ہوئے کپتان سعد بن ظفر 29 اور نکولس کرٹن 27 رن کی اننگز کی بدولت 20 اوورز میں 132 رن بنائے۔ پرگت سنگھ 19 رن، آرون جانسن 16 رن، ہرش ٹھاکر 13 رن بنانے کے بعد آؤٹ ہوئے۔ ایک وقت کینیڈا کے 72 کے سکور پر چھ وکٹیں گر چکی تھیں۔
ایسے وقت میں لوئر آرڈر میں کپتان سعد بن ظفر نے 16 گیندوں میں تیز 29 رن بناکر ٹیم کو باعزت اسکور تک پہنچایا۔ چھ بلے باز ڈبل فیگر میں بھی نہ پہنچ سکے۔ 21 رن کے عوض تین وکٹیں لینے والے نوسٹش کینجیگے کو پلیئر آف دی میچ کا ایوارڈ دیا گیا۔
امریکہ نے 133 رن کا ہدف 17.3 اوورز میں چار وکٹوں کے نقصان پر حاصل کر لیا۔ امریکہ کے سٹیون ٹیلر نے 22 رن بنائے۔ کپتان مونانک پٹیل نے 34 گیندوں پر سات چوکوں اور ایک چھکے کی مدد سے 50 رن کی اننگز کھیلی۔ اس کے علاوہ اینڈریز گاس نے بھی 35 گیندوں میں پانچ چوکوں اور تین چھکوں کی مدد سے 50 رن بنائے۔ ایرون جون تین رنز بنانے کے بعد آؤٹ ہوئے۔