روڈ سیفٹی مہم، اسکوٹر سواروں میں مفت ہیلمیٹ تقسیم

ضلع گاندربل میں ایک نجی تعلیمی ادارے کی جانب سے روڈ سیفٹی بیداری کے تحت موٹر سائیکل سواروں کے درمیان مفت ہیلمٹ تقسیم کئے گئے۔پروگرام کے انعقاد کا مقصد لوگوں کو ٹریفک قوانین پر سختی سے عمل درآمد کو لے کر بیداری کرنا تھا۔

گاندربل:مرکز کے زیر انتظام یوٹی جموں و کشمیر کے ضلع گاندربل میں ایک مشہور نجی تعلیمی ادارے کی جانب سے آج ایک بیداری تقریب کا اہتمام کیا گیا۔ تقریب کے دوران درجنوں موٹرسائیکل سواروں میں مفت ہیلمیٹ تقسیم کیے گئے۔ اس موقعے پر ایس ایس پی گاندربل سندیپ گپتا مہمان خصوصی کی حیثیت سے موجود رہے۔

اس موقعے ہر ڈی ایس پی ٹریفک گاندربل گلزار احمد کی موجودگی میں موٹر سائیکل سواروں میں مفت ہیلمیٹ تقسیم کے گئے۔ تقریب کے دوران سندیپ گپتا نے کہا کہ ٹریفک قوانین پر عملدرآمد کرنا ہر شہری کا فرض بنتا ہے۔ اس سے سڑک حادثات میں نمایاں کمی دیکھنے کو مل رہی ہے۔ ٹریفک قوانین پر سختی سے عمل کرنے پر عام لوگوں کی قیمتی جانیں بچ رہی ہیں۔

ایس ایس پی گاندربل نے مزید کہا کہ ڈرائیوروں اور موٹر سائیکل سواروں کو چاہیے کہ وہ ٹریفک قوانین پر عمل پیرا ہوجائے۔ اس سے دو فائدے ہیں پہلا سڑک حادثات میں کمی آ جائے گی۔ دوسرا لوگوں کو ٹریفک کی خلاف ورزی پر چالان سے بچ جائیں گے۔ سندیپ گپتا نے اسکول کے چیئرمین سنجے ورما کا شکریہ ادا کرتے ہوئے کہا کہ اس طرح کے پروگرام کے انعقاد سے لوگوں میں بیداری پیدا کرنے میں مدد مل سکتی ہے۔