بانڈی پورہ: زیارت گاہ بزرگ ننگا باجی پرسالانہ عرس کا اہتمام - Annual Urs In Bandipora

بانڈی پورہ ضلع کے مالمگام علاقے میں واقع زیارت گاہ بزرگ ننگا باجی میں سالانہ عرس کا اہتمام کیا گیا۔ اس موقعے پر مختلف تقریبات کا بھی اہتمام کیا گیا۔ مقامی باشندوں نے جوش و خروش کے ساتھ عرش میں شرکت کی۔

بانڈی پوری: مرکز کے زیر انتظام یوٹی جموں وکشمیر کے ضلع بانڈی پورہ میں واقع مالمگام میں منعقدہ ننگا باجی کا سالانہ عرس سات دنوں تک جاری رہے گا۔رواں ماہ کی دس تاریخ کو سالانہ عرس کا اہتمام ہوگا۔ اس موقعے پر ضلع بانڈی پورہ کے مختلف علاقوں سے عقیدت مند درگاہ پر حاضری دہنے کے لئے آتے ہیں۔

اس موقعے پر دعائیہ محفل اور مجالس کا خصوصی اہتمام کیا جاتا ہے۔ لنگر کا بھی اہتمام کیا جاتا ہے۔ عرس مبارک کے دوران مزار پر چادر چڑھائے جانے کے ساتھ ساتھ جھنڈا بھی لہرایا جائے گا۔ عرس کے دوران مفت لنگر کا اہتمام کیا جاتا ہے۔ عقیدت مندوں کے لئے کھانے پینے کے ساتھ ساتھ تمام تر سہولیات فراہم کی جاتی ہے۔

ذرائع کے مطابق ننگا باجی کا اصل نام سید رسول شاہ ہے جن کا تعلق پاکستان کے خیبر پختون خواہ علاقے سے تھا اور کہا جاتا ہے کہ 1920 کے آس پاس انہوں نے یہاں آکر سکونت اختیار کی۔ یہاں رہ کر وہ برسوں تک عبادت میں مشغول رہے۔ ان کا شمار کشمیر کے بڑے اور معروف ولیوں میں کیا جاتا ہے۔ 1957 میں ان کا انتقال ہوا۔ ان دنوں ننگا باجی کے پوتے سید ولایت حسین شاہ ان کے گدھی نشین ہیں۔