اسلام آباد: ترکیہ کے صدر رجب طیب اردوان بدھ کو دو روزہ دورے پر پاکستان پہنچ رہے ہیں جہاں وہ وزیر اعظم شہباز شریف کے ساتھ پاکستان-ترکیہ اعلیٰ سطح کی اسٹریٹجک تعاون کونسل (ایچ ایل ایس سی سی) کے ساتویں اجلاس کی مشترکہ صدارت کریں گے۔
ترکیہ کے دفتر خارجہ نے منگل کو کہا کہ اردگان اپنے وزراء، سینئر حکام اور کارپوریٹ رہنماؤں سمیت ایک اعلیٰ سطح کے وفد کے ہمراہ پاکستان روانہ ہوں گے اور توقع ہے کہ اس دورے کے دوران ایک مشترکہ اعلامیہ اور کئی اہم معاہدوں/مفاہمت ناموں پر دستخط کریں گے۔
دونوں رہنما پاکستان اور ترکیہ کے درمیان تعلقات کو مزید مضبوط بنانے کے لیے اعلیٰ سطح کی فیصلہ ساز کونسل (HLSCC) کے اجلس میں ایک مشترکہ پریس کانفرنس سے بھی خطاب کریں گے۔ قابل ذکر ہے کہ اسٹریٹجک تعاون کونسل کے تحت متعدد مشترکہ قائمہ کمیٹیاں (JSCs) قائم کی گئی ہیں جو تجارت، سرمایہ کاری، بینکنگ، فنانس، ثقافت، سیاحت، توانائی، دفاع، زراعت، ٹرانسپورٹ، مواصلات، IT، صحت، سائنس اور ٹیکنالوجی اور تعلیم کا احاطہ کرتی ہیں۔