غزہ میں اسرائیلی فضائی حملے میں تین یرغمالی ہلاک: القسام بریگیڈز

اسرائیل نے دو یرغمالیوں کو بازیاب کرنے کے لیے کم از کم 67 فلسطینیوں کو ہلاک کر دیا۔ لیکن اس آپریشن میں تین یرغمالی ہلاک اور دیگر آٹھ زخمی ہو گئے ہیں۔ حماس کے عسکری ونگ نے یہ جانکاری دی ہے۔

غزہ: حماس کے مسلح ونگ القسام بریگیڈز نے گزشتہ روز اعلان کیا کہ غزہ کی پٹی پر اسرائیلی حملوں میں زخمی ہونے والے تین اسرائیلی یرغمالی ہلاک ہو گئے ہیں۔ حماس نے ایک پریس بیان میں کہا ہے کہ ہلاک ہونے والوں میں 8 اسرائیلی قیدی شامل ہیں جو حالیہ اسرائیلی فضائی حملوں میں شدید زخمی ہوئے ہیں۔

القسام بریگیڈز نے اتوار کے روز اس پٹی پر گذشتہ 96 گھنٹوں کے دوران اسرائیلی گولہ باری کے نتیجے میں دو اسرائیلی قیدیوں کی موت اور 8 دیگر کے زخمی ہونے کا اعلان کیا۔

تازہ ترین تین اموات کا اعلان اسرائیلی فوج کی جانب سے غزہ کی پٹی میں حماس کے زیر حراست دو قیدیوں، 60 سالہ فرنینڈو سائمن مرمن اور 70 سالہ لیوس ہیر کو رہا کرنے کے چند گھنٹے بعد سامنے آیا ہے، جنہیں7 اکتوبر 2023 کو کیبوتس نیر سے غزہ پٹی میں اغوا کرلیا گیا تھا۔ 10 جنوری کو اسرائیلی فوج نے کہا کہ غزہ کی پٹی میں 136 یرغمالی ابھی تک قید ہیں۔

اسرائیلی اسپیشل فورسز نے پیر کی علی الصبح غزہ کے رفح میں دو یرغمالیوں کو چھڑانے کے لیے حملہ کیا جس میں کم از کم 67 فلسطینی مارے گئے۔
میڈیا رپورٹس کے مطابق اسرائیل میں ان حملوں کو بہادری کے طورپر منایا گیا وہیں اس آپریشن نے غزہ کے سب سے جنوبی شہر رفح میں خوف کی فضا پیدا کر دی۔ اس کی وجہ سے انکلیو کے 20 لاکھ سے زیادہ مکینوں میں سے نصف سے زیادہ ہے۔