نئی دہلی: وزیر خزانہ نرملا سیتا رمن جولائی میں مالی سال 25-2024 کے لیے مرکزی بجٹ 2024 پیش کریں گی۔ اس کے ساتھ وہ مسلسل سات مرکزی بجٹ پیش کرنے والی پہلی وزیر خزانہ بن جائیں گی۔ غور طلب ہے کہ نرملا سیتارمن نے مرارجی دیسائی کو پیچھے چھوڑ دیا جنہوں نے لگاتار چھ بجٹ پیش کیے تھے۔
بجٹ مرکز کی آمدنی اور اخراجات کا تخمینہ ہے۔ یہ مرکزی حکومت کے مالیات کا سب سے جامع اکاؤنٹ ہے۔ بجٹ میں تمام ذرائع سے حاصل ہونے والی آمدنی کے ساتھ ساتھ حکومت کی جانب سے کیے گئے اخراجات کی تفصیلات بھی شامل ہیں۔
رواں سال جولائی میں بجٹ کیوں پیش کیا جائے گا؟
ہر سال مرکزی بجٹ یکم فروری کو پیش کیا جاتا ہے۔ اس سال بھی بجٹ یکم فروری کو پیش کیا گیا لیکن یہ عبوری بجٹ تھا۔ کیونکہ یہ الیکشن کا سال ہے۔ اس سال لوک سبھا کے انتخابات ہوئے تھے جس میں بی جے پی کی زیرقیادت قومی جمہوری اتحاد (این ڈی اے) نے اپوزیشن جماعت بھارتیہ جنتا پارٹی کو شکست دے کر مسلسل تیسری بار کامیابی حاصل کی۔ این ڈی اے حکومت نے ایک بار پھر نرملا سیتا رمن کو ملک کا وزیر خزانہ منتخب کیا ہے۔ اس لیے نرملا سیتا رمن اس ماہ مکمل مرکزی بجٹ پیش کریں گی۔
لوک سبھا کا پہلا اجلاس
فی الحال 18ویں لوک سبھا کا پہلا اجلاس جاری ہے، جو 24 جون کو شروع ہوا تھا۔ سیشن آج یکم جولائی کو ختم ہوگا اور اس میں نئے ارکان کی حلف برداری کی تقریب اور 27 جون کو لوک سبھا اور راجیہ سبھا کی مشترکہ میٹنگ ہوچکی ہے جس سے صدر دروپدی مرمو نے خطاب کیا تھا۔
یہ بھی پڑھیں:
