کون ہیں دنیا کے امیرترین افراد، جانیے۔۔فوربس کی فہرست میں امبانی اور اڈانی کس نمبر پر ہیں

فوربس نے امیرترین افراد کی فہرست جاری کر دی ہے۔ ایشیا کے امیرترین کاروباریوں کی بھی فہرست جاری کی گئی ہے۔

نیویارک: امریکی جریدے فوربز کی امیرترین افراد کی فہرست کا سب بے چینی سے انتظار کرتے ہیں۔ اس مرتبہ ٹیسلا اور ایکس کے مالک ایلون مسک نے بازی ماری ہے۔ ایلون مسک دنیا کے امیرترین افراد کی لسٹ میں سر فہرست ہیں۔

امریکی جریدے کی جانب سے دنیا کے امیر ترین افراد کی فہرست میں ٹاپ تھری پر پہلے پر ایلون مسک دوسرے پر ایمازون کے مالک جیف بیزوس اور تیسرے پر میٹا کے سی ای او مارک زکربرگ کو جگہ ملی ہے۔

فوربز کے مطابق ایلون مسک کی مجموعی دولت 425.2 ارب ڈالر سے تجاوز کرگئی ہے۔ وہیں،

فوربز کی رپورٹ کے مطابق امیر ترین افراد کی فہرست میں ایلون مسک کے بعد 1994 میں ای کامرس کمپنی ایمازون کی بنیاد رکھنے والے جیف بیزوس 241 ارب ڈالر کے ساتھ دوسرے نمبر پر ہیں۔

میٹا کے بانی و سی ای او مارک زکربرگ دنیا کی امیر ترین شخصیات میں تیسرے نمبر پر ہیں۔ زکربرگ کی دولت کا تخمینہ 217.7 ارب ڈالر تک پہنچ چکا ہے۔ وہیں اوریکل کارپوریشن کے شریک بانی اور چیف ایگزیکٹو لیری ایلیسن 209 ارب ڈالر کے ساتھ چوتھے نمبر پر ہیں۔

ایشیا کی امیرترین شخصیت کون؟

ایشیا میں دولت کے متحرک منظر نامے نے مسلسل عالمی توجہ حاصل کی ہے۔ لیکن کیا آپ جانتے ہیں ایشیا کے امیر ترین افراد کی اس فہرست میں سرفہرست کون ہے؟

اس بات کو لے کر کسی کو حیرانی نہیں ہونی چاہیے کہ، اس مرتبہ ایشیا کے سب سے امیر ترین شخص مکیش امبانی ہیں۔ فوربس کے مطابق 27 جنوری 2025 تک ریلائنس انڈسٹریز کے چیئرمین اور ایم ڈی مکیش امبانی کی مجموعی مالیت 101.9 بلین امریکی ڈالر رہی ہے۔

وہیں، اس فہرست میں دوسرا نام بھارت کے ہی معروف تاجر گوتم اڈانی کا ہے۔ گوتم اڈانی کی دولت کا تخمینہ 59.6 بلین امریکی ڈالر تک پہنچ چکا ہے۔