لکھنؤ:سپریم کورٹ میں آج اتر پردیش مدرسہ تعلیمی بورڈ کے ضابطے کو غیر آئینی قرار دینے کے معاملے کی سماعت تھی۔ اس تعلق سے مدارس تنظیموں نے اتر پردیش حکومت پر عدالت کی توہین کی درخواست بھی دی تھی۔ جس پر سپریم کورٹ نے کہا کہ اتر پردیش حکومت کو توہین عدالت کے معاملے میں ابھی ہم کوئی نوٹس نہیں دے رہے ہیں لیکن میرا یہ پیغام حکومت تک پہنچا دو کہ جب تک مکمل سماعت نہیں ہو جاتی تب تک حکومت کوئی نیا حکم نامہ جاری نہ کرے اور غیر مسلم بچوں کی شفٹنگ پر بھی زور نہ دے۔ اگلی سماعت 20 اگست کو عدالت نے طے کی ہے۔
مدارس پر 20 اگست کو ہوگی سماعت، سپریم کورٹ نے یوپی حکومت کو نیا حکم نامہ جاری نہ کرنے کی دی ہدایت - UP Madarsa Board
Published : Aug 5, 2024, 4:27 PM IST
سپریم کورٹ نے یوپی حکومت کو ہدایت دی ہے کہ وہ نیا حکم نامہ جاری نہ کرے۔ آج سپریم کورٹ میں کیس کی سماعت تھی۔ مدرسہ تعلیمی بورڈ کے سلسلہ میں 20 اگست کو اب سماعت ہوگی۔ سپریم کورٹ نے یوپی حکومت کو نیا حکم نامہ جاری نہ کرنے کی ہدایت دی ہے۔
سپریم کورٹ نے یوپی حکومت کو نیا حکم نامہ جاری نہ کرنے کی دی ہدایت (ETV Bharat Urdu)
مدارس فریق ٹیچر ایسوسی ایشن مدارس عربیہ اتر پردیش کے جنرل سیکرٹری دیوان صاحب زماں نے بات چیت کرتے ہوئے کہا کہ یہ بہت راحت کی بات ہے کہ عدالت نے چیف سیکرٹری کے حکم نامے پر زبانی طور پر کہا ہے کہ اس پر زیادہ زور نہ دیا جائے جب تک کہ پوری سماعت نہیں ہوتی ہے۔ انہوں نے کہا کہ توہین عدالت کی نوٹس تو عدالت نے جاری نہیں کی۔ تاہم اس تعلق سے زبانی طور پر حکومت کے وکیل کو آگاہ کر دیا ہے۔