نئی دہلی : ریزرو بینک آف انڈیا کے سابق گورنر شکتی کانتا داس کو وزیر اعظم نریندر مودی کا پرنسپل سکریٹری مقرر کیا گیا ہے۔ سرکاری نوٹیفکیشن میں بتایا گیا کہ شکتی کانتا داس کو پی ایم کا پرنسپل سکریٹری مقرر کیا گیا۔ کابینہ کی تقرری کمیٹی نے کہا کہ شکتی کانتا داس کی تقرری وزیر اعظم کی مدت یا اگلے احکامات تک ہو گی۔
حکومتی تھنک ٹینک نیتی آیوگ کے سی ای او بی وی آر سبرامنیم کی میعاد میں بھی ایک سال کی توسیع کی گئی ہے، 1987 بیچ کے ریٹائرڈ انڈین ایڈمنسٹریٹو سروس (آئی اے ایس) افسر کو فروری 2023 میں دو سال کے لیے نیتی آیوگ کا سی ای او مقرر کیا گیا تھا۔ شکتی کانتا داس دسمبر 2018 سے چھ سال تک آر بی آئی کے سربراہ رہے۔ وہ چار دہائیوں کے دوران اعلیٰ عہدوں پر فائز رہیں۔ وہ مرکزی اور ریاستی حکومتوں میں فنانس، ٹیکسیشن، صنعتوں، انفراسٹرکچر و دیگر شعبوں سے وابستہ رہیں۔
یہ بھی پڑھیں: RBI Guv on Financial Stability: مالی استحکام پر کوئی سمجھوتہ نہیں، آر بی آئی گورنر - آر بی آئی گورنرشکتی کانت داس
کوویڈ 19 وبا کے دوران آر بی آئی کے گورنر کے طور پر شکتی کانتا داس نے بھارت کے مالی استحکام کو مضبوط کرنے کے لیے متعدد اقدامات کئے تھے۔ اس دوران مالیاتی استحکام کو برقرار رکھنے کے لیے مانیٹری پالیسی، لیکویڈیٹی کنڈیشنز اور ریگولیٹری پالیسیوں پر محیط کئی روایتی، غیر روایتی اور اختراعی پالیسی اقدامات کے ذریعہ حالات کو بہتر انداز سے سنبھالا تھا۔
