'نریندر مودی پھر سے وزیر اعلیٰ بنیں' نتیش کی زبان پھسلنے پر تیجسوی کی چٹکی - Nitish Kumar gaffe at Patna rally

پٹنہ میں ایک ریلی سے خطاب کرنے کے دوران بہار کے وزیر اعلیٰ نتیش کمار کی زبان پھسل گئی۔ انہوں نے کہا کہ 'ان کی خواہش ہے کہ نریندر مودی دوبارہ وزیر اعلیٰ بنیں۔' ان کے اس بیان نے اپوزیشن کو موقع فراہم کر دیا۔ تیجسوی یادو نے نتیش کمار کے بیان پر طنز کرتے ہوئے کہا کہ نتیش کمار اس سے زیادہ واضح طور پر کیا کہہ سکتے ہیں کہ نریندر مودی ملک کے وزیر اعظم نہیں بننے والے ہیں۔ Nitish Kumar on Modi at Patna rally

پٹنہ: بہار کے وزیر اعلی نتیش کمار نے عوام سے وزیر اعظم نریندر مودی کو پھر سے 'وزیر اعلی' بنانے کی اپیل کی۔ حیران نہ ہوں! دراصل وزیر اعلیٰ نتیش کمار کی زبان ایک بار پھر پھسل گئی۔ اتوار کو وہ پٹنہ صاحب لوک سبھا حلقے سے بی جے پی کے امیدوار روی شنکر پرساد کے لیے دنیاوا میں ایک ریلی کر رہے تھے۔ اس دوران انہوں نے عوام سے روی شنکر پرساد کو بھاری ووٹوں سے کامیاب کرنے کی اپیل کی اور نریندر مودی کو دوبارہ 'وزیر اعلیٰ' بنانے کی اپیل کی۔

• تیجسوی کا طنز

نتیش کمار کی اس اپیل پر سابق نائب وزیر اعلی تیجسوی یادو نے ان کی کھنچائی کی ہے۔ تیجسوی یادو نے نتیش کی تقریر کا ایک حصہ سوشل میڈیا پر اپ لوڈ کرتے ہوئے لکھا کہ نتیش کمار اس سے زیادہ واضح طور پر کیا کہہ سکتے ہیں کہ نریندر مودی ملک کے وزیر اعظم نہیں بننے والے ہیں۔ واضح رہے کہ اس سے پہلے بھی وزیر اعلیٰ نتیش کمار نے ایک بار اسٹیج سے ووٹروں سے این ڈی اے کو 4000 سیٹیں جتوانے کی اپیل کی تھی۔

• سنجے جھا نے سی ایم کو روکا

جب نتیش کی زبان پھسلی تو پٹنہ صاحب کے امیدوار روی شنکر پرساد اور سٹیج پر موجود جے ڈی یو کے راجیہ سبھا ممبر پارلیمنٹ سنجے جھا نے وزیر اعلیٰ کو ٹوکا۔ نتیش کمار نے اپنی غلطی کا احساس کرتے ہوئے اسے درست کیا اور عوام سے نریندر مودی کو تیسری بار وزیر اعظم بنانے کی اپیل کی۔

وہیں تیجسوی یادو کے ٹویٹ پر کئی طرح کے تبصرے آرہے ہیں۔ کچھ لوگ نتیش کمار کا مذاق اڑا رہے ہیں تو کچھ صارفین تیجسوی یادو پر حملہ کر رہے ہیں۔ آپ کو بتا دیں کہ وزیر اعلیٰ نتیش کمار نے آج چار انتخابی ریلیاں کیں۔