یوم جمہوریہ تقریب کے چیف گیسٹ فرانسیسی صدر میکرون کی بھارت آمد

French President India Visit جے پور بین الاقوامی ہوائی اڈے پر فرانسیسی صدر ایمانوئل میکرون کا اسقبال وزیر خارجہ ایس جے شنکر، راجستھان کے گورنر کلراج مشرا اور وزیر اعلیٰ بھجن لال شرما نے کیا۔ وزیر اعظم نریندر مودی نے فرانسیسی صدر کو یوم جمہوریہ کی تقریب میں مہمان خصوصی کے طور پر شرکت کی دعوت دی تھی۔

جے پور: فرانسیسی صدر ایمانوئل میکرون بھارت کے اپنے دو روزہ سرکاری دورے کے ایک حصے کے طور پر جمعرات کو جے پور پہنچے۔ فرانسیسی رہنما یوم جمہوریہ پریڈ 2024 میں بطور مہمان خصوصی شرکت کریں گے۔ جے پور بین الاقوامی ہوائی اڈے پر وزیر خارجہ ایس جے شنکر، راجستھان کے گورنر کلراج مشرا اور وزیر اعلیٰ بھجن لال شرما نے میکرون کا استقبال کیا۔ وزیر اعظم نریندر مودی نے فرانسیسی صدر کو یوم جمہوریہ کی تقریب میں مہمان خصوصی کے طور پر شرکت کی دعوت دی تھی۔

فرانسیسی صدر کا دورہ، بھارت-فرانس اسٹریٹجک پارٹنرشپ کی 25 ویں سالگرہ کی تقریبات کا احاطہ کرتا ہے۔ میکرون کی آمد سے جے پور کو وزیر اعظم نریندر مودی اور فرانسیسی صدر میکرون کے پوسٹروں سے سجا دیا گیا ہے۔ میکرون اپنے دورے کا آغاز عنبر قلعہ کا دورہ کرکے کریں گے۔

میکرون اپنے دور کے دوران ہند-فرانسیسی ثقافتی منصوبوں میں حصہ داروں کے ساتھ ساتھ طلباء سے بات چیت کریں گے۔ اس کے بعد، وزیر اعظم نریندر مودی ان کا استقبال کریں گے اور دونوں رہنما ایک ساتھ جنتر منتر سمیت پنک سٹی کے چند اہم مقامات کا دورہ کریں گے۔

شام میں، وہ جنتر منتر اور ہوا محل کا دورہ کریں گے، جس کے بعد پی ایم مودی اور فرانسیسی صدر تاج رام باغ پیلس میں دو طرفہ میٹنگ کریں گے۔ فرانسیسی مسلح افواج کا دستہ بھارتی فوجیوں اور ہوا بازوں کے ساتھ یوم جمہوریہ کی پریڈ اور فلائی پاسٹ میں بھی حصہ لے رہا ہے۔ بعد ازاں 26 جنوری کو صدر میکرون یوم جمہوریہ کی پریڈ میں بطور مہمان خصوصی شرکت کریں گے۔

قابل ذکر ہے کہ میکرون کا یہ سرکاری دورہ، بھارت کے یوم جمہوریہ پر بطور مہمان خصوصی فرانس کی چھٹی شرکت ہے، جو کسی بھی دوسرے ملک میں سب سے زیادہ ہے۔ میکرون اس سے قبل مارچ 2018 میں سرکاری دورے پر اور ستمبر 2023 میں دہلی جی 20 سربراہی اجلاس کے لیے سرکاری دورے پر بھارت تشریف لائے تھے، اس کے علاوہ انہوں نے چار مواقع پر پی ایم مودی کا فرانس میں خیرمقدم کیا ہے۔