دہلی یونیورسٹی میں ایم اے اردو کے طلباء کبیر کے چالیس دوہے پڑھیں گے، 27 جولائی کو فیصلہ ہو سکتا ہے - Kabir couplet IN Delhi University

ایگزیکٹیو کونسل دہلی یونیورسٹی کی فیکلٹی آف آرٹس کی تجویز کردہ ترمیم کو منظور کرتی ہے تو ایم اے اردو کے پہلے سمسٹر کے طلبہ کو 'کبیر وانی' کے دوہے پڑھائے جائیں گے۔ اس مقصد کے لیے فیکلٹی آف آرٹس نے ایم اے سال اول کے اردو کے طلبہ کے نصاب میں دو نصابی کتابیں شامل کرنے کی تجویز دی گئی ہے۔

نئی دہلی:اگر دہلی یونیورسٹی (DU) کی ایگزیکٹو کونسل نصاب میں مجوزہ تبدیلی کو منظور کرتی ہے، تو اردو مضمون میں پوسٹ گریجویشن کرنے والے طلباء سنت کبیر داس کے اشعار پڑھتے نظر آئیں گے۔ عہدیداروں نے کہا کہ اگر فیکلٹی آف آرٹس کی طرف سے تجویز کردہ ترمیم کو منظوری دی جاتی ہے تو ایم اے اردو کے پہلے سمسٹر کے طلباء کو 'کبیر وانی' کے دوہے پڑھائے جائیں گے۔

انہوں نے کہا کہ اس مقصد کے لیے فیکلٹی آف آرٹس نے ایم اے اردو کے پہلے سال کے طلبہ کے نصاب میں دو نصابی کتب شامل کرنے کی تجویز دی ہے۔ ان نصابی کتب میں علی سردار جعفری کی لکھی ہوئی کبیر وانی اور پربھاکر منچوے کی تحریر کردہ کبیر شامل ہیں۔ حکام سے موصول ہونے والی جانکاری کے مطابق، فیکلٹی آف آرٹس کی طرف سے تجویز کردہ ترامیم کے تحت طلباء کو پہلے سمسٹر میں 'کبیر بنی' سے 40 دوہے پڑھائے جائیں گے۔ اگر منظور ہو جاتا ہے تو نصاب میں تبدیلیاں اگست میں شروع ہونے والے 2024-25 کے تعلیمی سیشن سے لاگو ہو سکتی ہیں۔

فیکلٹی آف آرٹس نے شعبہ اردو میں پڑھائے جانے والے "ابتدائی اردو ادب کے بنیادی متن" کے نصاب میں ان ترامیم کی سفارش کی ہے، فیکلٹی نے 19 فروری کو ہونے والے اجلاس میں یہ تبدیلیاں کرنے کا فیصلہ کیا ہے۔ یونیورسٹی کا فیصلہ 27 جولائی کو ایگزیکٹو کونسل کے سامنے رکھا گیا ہے۔

شعبہ اردو کے پروگرام بروشر کا کہنا ہے کہ اس اقدام کا مقصد طلباء کو جنوبی اور شمالی ہندوستان کی ابتدائی ادبی روایات سے متعارف کرانا ہے۔ اس میں کہا گیا ہے، "اس کورس کے مکمل ہونے پر، طلباء اردو کی ابتدائی ادبی روایات کے تناظر میں کلاسیکی شاعری اور نثر کو سمجھنے اور اس کی تشریح کرنے کے قابل ہو جائیں گے - جو کہ کورس کے یونٹ-1 کا حصہ ہیں۔ اس سے پہلے طلباء کو یونٹ 1 کے تحت "سب رسا" (پہلا حصہ) پڑھایا جاتا تھا۔ 12 جولائی کو ہونے والی میٹنگ میں مجوزہ ترامیم کو DU کی اکیڈمک کونسل نے منظور کر لیا ہے۔