دہلی میں اروند کیجریوال کے پوسٹر پر تنازع، عام آدمی پارٹی کی شکایت - DEROGATORY POSTERS OF KEJRIWAL

Controversy over Arvind Kejriwal's poster دہلی حکومت کی وزیر آتشی نے مبینہ توہین آمیز پوسٹر پر کشمیر گیٹ پر واقع ریاستی انتخابی دفتر میں بی جے پی کے خلاف شکایت درج کرائی ہے۔ انہوں نے کہا ہے کہ میں دہلی سی ای اوسی سے ملاقات کی اور ساری بات انکو بتائی مگر چھ دن ہوجانے کے بعد بھی پوسٹرس اور ہورڈنگ ابھی نہیں ہٹائے گئے ہیں۔

نئی دہلی: دہلی حکومت میں وزیر آتشی نے جمعرات کو کشمیری گیٹ پر واقع ریاستی انتخابی دفتر میں مبینہ توہین آمیز پوسٹر پر بی جے پی کے خلاف شکایت درج کروائی۔ انہوں نے کہا کہ بی جے پی نے پوری دہلی میں سی ایم کیجریوال اور آپ کے خلاف کئی قابل اعتراض پوسٹر لگائے ہیں۔ ہم نے چھ دن پہلے اس معاملے کی شکایت کی تھی۔ لیکن اب تک بی جے پی کے قابل اعتراض پوسٹروں اور ہورڈنگس پر کوئی کارروائی نہیں کی گئی ہے۔

آتشی نے کہا کہ آج ہم نے چیف ایگزیکیوٹو آفیسر دہلی سے ملاقات کی ہے اور قابل اعتراض ہورڈنگز کے خلاف شکایت کی ہے۔ ہمارے لیے تشویش کی بات ہے کہ 6 دن گزر چکے ہیں لیکن اب تک بی جے پی کے قابل اعتراض پوسٹروں اور ہورڈنگز پر کوئی کارروائی نہیں کی گئی ہے۔ اگر چھ دن میں کچھ پوسٹرز اور ہورڈنگز کے خلاف کارروائی نہ کی گئی تو پھر بڑے مسائل کا کیا بنے گا؟

لیول پلیئنگ فیلڈ پر اٹھائے گئے سوالات:

آتشی نے کہا کہ الیکشن کمیشن سے شکایت کرنے کے بعد بھی کوئی کارروائی نہیں کی جا رہی ہے۔ آج ہونے والے لوک سبھا انتخابات کے لیول پلیئنگ فیلڈ پر کئی سوال اٹھ رہے ہیں۔ ملک کی تاریخ میں یہ پہلا موقع ہے کہ لوک سبھا انتخابات سے قبل کسی قومی پارٹی کے قومی کنوینر کو گرفتار کیا گیا ہے۔ ملک کی تاریخ میں پہلی بار ایسا ہو رہا ہے کہ کسی اپوزیشن جماعت کا اکاؤنٹ منجمد کیا گیا ہو۔ یہ پہلی بار ہو رہا ہے کہ محکمہ انکم ٹیکس انتخابات کے دوران سیاسی جماعتوں کو نوٹس بھیج رہا ہے۔ یہ پہلی بار ہو رہا ہے کہ سیکورٹی کے نام پر عام آدمی پارٹی کے دفتر کو چار دن کے لیے بند کر دیا گیا ہے۔