مدھیہ پردیش میں گزشتہ 24 گھنٹوں میں دو مقامات پر دیوار گرنے سے 17 بچوں کی موت - MP Wall Collapse Deaths

مدھیہ پردیش میں موسلا دھار بارش کا سلسلہ جاری ہے۔ ریاست کے ساگر ضلع میں دیوار گرنے سے نو بچے ہلاک ہو گئے۔ اس واقعہ میں کئی زخمی بتائے جا رہے ہیں۔

ریوا: مدھیہ پردیش کے ریوا میں ہفتے کے روز اسکول سے لگی دیوار گرنے سے جہاں اٹھ بچوں کی موت ہو گئی تھی وہیں آج ساگر ضلع میں دیوار گرنے سے نو بچے ہلاک ہو گئے۔ اس واقعہ میں کئی زخمی بتائے جا رہے ہیں۔
مدھیہ پردیش میں موسلا دھار بارش ہو رہی ہے وہیں کئی اضلاع میں شدید بارش کا الرٹ بھی جاری کیا گیا ہے وہیں ریوا ضلع کے گڑھ تھانہ علاقے میں ہفتے کے روز اسکول سے لگی دیوار گر جانے سے 4 بچوں کی موت ہو گئی تھی جس میں ایک ہی کنبے سے تین بچے تھے جبکہ ایک شدید زخمی ہوا تھا۔ وہیں اج ساگرضلع میں بھی دیوار گرنے کا واقعہ پیش ایا ہے جہاں نو بچوں کی موت ہو گئی جبکہ دو زخمی بتائے جا رہے ہیں۔ بتایا جا رہا ہے کے شاہ پور کے ہردول مندر میں شولنگ بنانے اور بھاگوت کتھا کے اہتمام کیا گیا تھا جس کے چلتے مندر کے ارد گرد کثیر تعداد میں لوگ پہنچے تھے۔ مندر کے قریب جس جگہ بچے بیٹھ کر شیولنگ بنا رہے تھے اس سے لگے مکان کی دیوار اچانک گر گئی۔ بتایا جا رہا ہے کہ یہ مکان کافی پرانا ہے۔ اطلاع ملتے ہی موقع پر نگم عملہ اور پولیس کے اعلی عہدے دار اس کی ٹیم کے ساتھ جائے حادثہ پر پہنچ کر رسکیو اپریشن شروع کر دیا۔

ان حادثات پر صوبے کے وزیراعلی ڈاکٹر موہن یادو نے اپنے ایکس پر افسوس کا اظہار کیا ہے اور مہلوکین کے ورثہ کے لیے معاوضہ کا اعلان کیا ہے۔

واضح رہے کہ بارش کے چلتے قدیم عمارتوں کے منہدم ہونے کا خدشہ ہوتا ہے جس کے چلتے ایسے واقعات پیش آتے ہیں۔، صوبہ میں گزشتہ 24 گھنٹوں میں ہوئے ان واقعات سے لوگوں میں خوف کا ماحول ہے۔ ابھی بھی کئی اضلاع میں مسلسل بارش کا دور جاری ہے۔