کولکاتا: مغربی بنگال کی وزیر اعلیٰ ممتا بنرجی نے احتجاج کرنے والے جونیئر ڈاکٹروں سے ملاقات کے بعد اعلان کیا کہ انہوں نے ڈاکٹروں کے بیشتر مطالبات سے اتفاق کیا ہے۔ اس میں بنیادی طور پر کولکتہ پولیس کمشنر ونیت کمار گوئل اور محکمہ صحت کے افسران کو ہٹانا شامل ہے۔
منگل کو احتجاجی ڈاکٹروں سے خطاب کرتے ہوئے ممتا بنرجی نے کہا، 'جونیئر ڈاکٹروں کے مطالبات کے پیش نظر کولکتہ کے پولیس کمشنر ونیت کمار گوئل نے میٹنگ میں کہا ہے کہ وہ استعفیٰ دینے کے لیے تیار ہیں۔' انہوں نے کہا کہ ونیت گوئل منگل کی شام 4 بجے نئے پولیس کمشنر کو چارج سونپیں گے۔ انہوں نے کہا کہ ان کی حکومت نے جونیئر ڈاکٹروں کے مطالبات کو تسلیم کرنے کا فیصلہ کیا ہے۔
RG Kar Medical College Rape-Murder case | West Bengal CM Mamata Banerjee says, " we tried listening to junior doctors...we have decided to change the dc (kolkata police commissioner)...he agreed to resign himself...in health department, they demanded the removal of 3 persons and… pic.twitter.com/f7xkS4lNYM
— ANI (@ANI) September 16, 2024
سی ایم بنرجی نے کہا کہ ڈپٹی کمشنر نارتھ ابھیشیک گپتا کو بھی ہٹا دیا جائے گا۔ انہوں نے کہا 'ہم نے جونیئر ڈاکٹروں کو سننے کی کوشش کی۔ ہم نے ڈی سی (کولکتہ پولیس کمشنر) کو تبدیل کرنے کا فیصلہ کیا ہے۔ وہ خود مستعفی ہونے پر راضی ہوگئے۔ محکمہ صحت میں انہوں نے 3 لوگوں کو ہٹانے کا مطالبہ کیا اور ہم نے 2 کو مان لیا۔ ہم 99 فیصد مطالبات پر متفق ہیں۔ ہم اور کیا کر سکتے ہیں؟ ہم نے جونیئر ڈاکٹروں سے کام پر واپس آنے کی درخواست کی ہے تاکہ عام شہریوں کو پریشانی کا سامنا نہ کرنا پڑے۔
ممتا بنر جی نے کہا 'ہم نے ان کے 4 میں سے 3 مطالبات مان لیے ہیں۔ ڈی سی نارتھ (ابھیشیک گپتا) کو بھی ہٹا دیا جائے گا اور نئے ڈی سی کے بارے میں فیصلہ کل لیا جائے گا۔ اس کے علاوہ ڈاکٹروں کی حفاظت کا بھی مکمل خیال رکھا جائے گا۔ یہ بات مغربی بنگال جونیئر ڈاکٹرس فرنٹ اور ریزیڈنٹ ڈاکٹرس ایسوسی ایشن (آر ڈی اے) کی طرف سے کولکتہ پولیس کمشنر کو ہٹانے اور ممتا حکومت کے محکمہ صحت اور خاندانی بہبود کے تمام سینئر عہدیداروں کو تبدیل کرنے کے مطالبے کے پیش نظر کہی گئی۔
پیر کو مغربی بنگال جونیئر ڈاکٹرس فرنٹ اور ریزیڈنٹ ڈاکٹرس ایسوسی ایشن (RDA) نے قومی راجدھانی میں ایک پریس کانفرنس کی اور اپنے مطالبات پیش کئے۔ آپ کو بتا دیں کہ 9 اگست کو کولکتہ کے آر جی کار میڈیکل کالج میں ایک ٹرینی ڈاکٹر کی عصمت دری اور قتل کے واقعہ پر ڈاکٹروں نے احتجاج کیا تھا۔ اس دوران فرنٹ نے پانچ نکاتی مطالبات پیش کیے، جن میں متاثرہ کے لیے انصاف کا مطالبہ اور کیس کی تفتیش کے عمل کو تیز کرنا شامل ہے۔
انہوں نے میڈیکل ایجوکیشن کے ڈائریکٹر (ڈی ایم ای)، ہیلتھ سروسز کے ڈائریکٹر (ڈی ایچ ایس) اور مغربی بنگال حکومت کے ہیلتھ اینڈ فیملی ویلفیئر ڈپارٹمنٹ کے ہیلتھ سکریٹری کو ہٹانے کا بھی مطالبہ کیا۔ فرنٹ نے نااہل اور لاپرواہ پولیس افسران کے خلاف کارروائی اور کولکتہ کے پولیس کمشنر ونیت گوئل کے ساتھ ساتھ شمالی اور وسطی کے ڈپٹی کمشنر آف پولیس کو انتظامی ناکامی اور مبینہ ثبوتوں سے چھیڑ چھاڑ کے الزام میں برطرف کرنے کا مطالبہ کیا۔
