Woman Cuts down Tree in Mahabubabad : చెట్టులెక్కగలనూ ఓ నరహరి.. కొమ్మలు కొట్టివేయగలను

Woman Cuts down Tree in Mahabubabad for power supply : వీధుల్లో ఉన్న చెట్లు పెరిగి విద్యుత్​ తీగలకు తగలటం, వాటిని విద్యుత్​శాఖ సిబ్బంది తొలగించటం సహజం. కానీ ఓ గ్రామంలో ఈ పనిలో విద్యుత్ సిబ్బంది అలసత్వం ప్రదర్శించారు. ఫలితంగా నాలుగు రోజులుగా విద్యుత్ సరఫరా నిలిచిపోయింది. ఇక లాభం లేదని భావించిన ఓ మహిళ తానే స్వయంగా రంగంలోకి దిగింది.  

విద్యుత్​శాఖ అధికారులు తెలిపిన వివరాల ప్రకారం.. విద్యుత్ తీగలకు చెట్టు కొమ్మలు తగులుతుంటే సాధారణంగా విద్యుత్ శాఖ సిబ్బందిని వాటిని తొలగించి సరఫరాకు ఆటంకం లేకుండా చూస్తారు. కానీ మహబూబాబాద్ జిల్లా జమాండ్లపల్లి గ్రామంలో మాత్రం వీధిలో ఓ వేపచెట్టు విద్యుత్తు లైన్లకు అడ్డు తగులుతోంది. దీనివల్ల ప్రమాదం జరిగే ఆస్కారం ఉందని భావించిన సిబ్బంది ఆ చెట్టును తొలగించాలని నిర్ణయించారు. ఇందుకోసం ఆ ప్రాంతంలో విద్యుత్ సరఫరా నిలిపివేశారు. అయితే విద్యుత్ సరఫరా నిలిపివేసి నాలుగు రోజులవుతున్నా సిబ్బంది చెట్లు నరికే పని పూర్తి చేయలేదు. దీంతో విసిగిపోయిన ఓ స్థానిక మహిళ.. తానే రంగంలోకి దిగింది. స్వయంగా తానే మొదట చెట్టు కొమ్మలు నరికింది.. అనంతరం మొత్తం చెట్టునే నరికేసింది. ఆ వీధికి విద్యుత్​ సరఫరాను తాము నిలిపివేయలేదని చెప్పారు. ఆ మహిళకు చెట్టు నరకమని కూడా తాము చెప్పలేదని అన్నారు. ఈ విషయంపై పూర్తి స్థాయిలో విచారణ చేస్తామని వారు తెలిపారు.  ఈ విషయంపై పూర్తి స్థాయిలో విచారణ చేస్తామని వెల్లడించారు.