జయంతోత్సవాలకు ముస్తాబైన యాదాద్రి

యాదాద్రి జిల్లా శ్రీ లక్ష్మీ నరసింహ స్వామి జయంతి ఉత్సవాలకు ముస్తాబైంది. రేపటి నుంచి ప్రారంభం కానున్న ఈ ఉత్సవాలు మూడురోజుల పాటు కొనసాగనున్నాయి.

భువనగిరి యాదాద్రి జిల్లా శ్రీ లక్ష్మీ నరసింహస్వామి జయంతి ఉత్సవాలకు ముస్తాబవుతోంది. రేపటి నుంచి ప్రారంభం కానున్న ఈ ఉత్సవాలకు ఆలయ అధికారులు అన్ని ఏర్పాట్లు చేశారు. మూడురోజుల పాటు జరగనున్న ఈ కార్యక్రమాల నేపథ్యంలో ఆలయంలో ఆర్జీత సేవలను రద్దు చేసినట్లు తెలిపారు. మొదటి రోజు స్వస్తివాచనం, పుణ్య వాచనం, రక్షాబంధనంతో ఈ ఉత్సవాలు ప్రారంభించనున్నారు. ఉదయం శ్రీ వెంకటాపతి అలంకార సేవ, సాయంత్రం గరుడవాహనంపై పరవాసు అలంకారసేవ, లక్షపుష్పార్చన నిర్వహించనున్నారు.