హాజీపూర్‌ బాలికల హత్య కేసుల దర్యాప్తు పూర్తి

యాదాద్రి భువనగిరి జిల్లా బొమ్మల రామారం మండలం హాజీపూర్​లో జరిగిన వరుస హత్యల కేసు విచారణ పూర్తైనట్లు డీసీపీ నారాయణ రెడ్డి బుధవారం విడుదల చేసిన పత్రిక ప్రకటనలో వెల్లడించారు. ఈ కేసును ఫాస్ట్ ట్రాక్ కోర్టు విచారించనుందని పేర్కొన్నారు .

బొమ్మల రామారం మండలం హాజీపూర్ జరిగిన వరుస హత్యల కేసు విచారణ పూర్తైనట్లు యాదాద్రి భువనగిరి జిల్లా డీసీపీ నారాయణ రెడ్డి వెల్లడించారు. బుధవారం నల్గొండ పోక్సో కోర్టులో మూడు కేసుల్లో ఛార్జీ షీట్ దాఖలు చేసినట్లు తెలిపారు. ఈ కేసును ఫాస్ట్ ట్రాక్ కోర్టు విచారించనుందని పేర్కొన్నారు. కేసు విచారణకు భువనగిరి ఏసీపీ భుజంగరావును నియమించిన విషయం విదితమే. 90 రోజుల్లోనే విచారణ పూర్తి చేసినట్లు బుధవారం విడుదల చేసిన పత్రిక ప్రకటనలో పేర్కొన్నారు. ప్రధాన నిందితుడు మర్రి శ్రీనివాస్​ రెడ్డి ప్రస్తుతం వరంగల్ సెంట్రల్ జైల్​లో విచారణ ఖైదీగా ఉన్నాడు.

ఇవీచూడండి: గుప్త నిధుల పేరిట మోసం