నేడు యాదాద్రికి సీఎం

యాదాద్రి ఆలయ పనులను ముఖ్యమంత్రి కేసీఆర్ నేడు  పరిశీలించనున్నారు. రెండోసారి  సీఎంగా బాధ్యతలు స్వీకరించిన తరువాత తొలిసారి గుట్టకు వెళ్లనున్నారు. ఆలయ అభివృద్ధి పనుల పురోగతిని సమీక్షిస్తారు.

యాదాద్రి ఆలయ అభివృద్ధి పనుల పురోగతిని పరిశీలించేందుకు ముఖ్యమంత్రి కేసీఆర్​ నేడు యాదాద్రి వెళ్లనున్నారు. ఉదయం పదిన్నరకు గుట్టకు చేరుకుని లక్ష్మీనరసింహ స్వామిని దర్శించుకుంటారు. అనంతరం ఆలయ అభివృద్ధి పనులను పరిశీలిస్తారు. ఆలయ నగరిలో కాటేజీల నిర్మాణ పనులు ప్రారంభిస్తారు. ఆలయం చుట్టూ ప్రాకారాలు, గార్డెనింగ్, ల్యాండ్ స్కెపింగ్ తదితర పనులకు సంబంధించి కొన్ని నిర్ణయాలు తీసుకుంటారు. యాదాద్రి ఆలయ అభివృద్ధి సంస్థ ఆధ్వర్యంలో చేపడుతున్న ఇతర పనులు, వాటి పురోగతిపై కూడా సీఎం సమీక్షించనున్నారు.